ਅਲਬਰਟਾ ਨਿਊ ਡੈਮੋਕ੍ਰੇਟਸ ਵੱਲੋਂ ਓਲਡਜ਼-ਡਿਡਸਬਰੀ-ਥਰੀ ਹਿਲਜ਼ ਉਪ-ਚੋਣ ਲਈ ਬੇਵ ਟੋਵਜ਼ ਨਾਮਜ਼ਦ  

ਓਲਡਜ਼-ਅਲਬਰਟਾ ਦੇ ਤਿੰੰਨ ਹਲਕਿਆਂ ਵਿੱਚ ਉਪ ਚੋਣਾਂ ਜੋ ਕਿ 23 ਜੂਨ ਨੂੰ ਹੋਣ ਜਾ ਰਹੀਆਂ ਹਨ ਵਿੱਚ ਨਿਊ ਡੈਮੋਕ੍ਰੇਟਸ ਨੇ ਓਲਡਜ਼-ਡਿਡਸਬਰੀ-ਥਰੀ ਹਿਲਜ਼ ਵਿੱਚ ਸਿੱਖਿਅਕ ਅਤੇ ਕਮਿਊਨਿਟੀ ਵਲੰਟੀਅਰ ਬੇਵ ਟੋਵਜ਼ ਨੂੰ ਆਪਣੇ ਉਮੀਦਵਾਰ ਵਜੋਂ ਨਾਮਜ਼ਦ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਟੋਵਜ਼ ਨੌਜਵਾਨਾਂ ਅਤੇ ਪੇਂਡੂ ਭਾਈਚਾਰਿਆਂ ਲਈ ਇੱਕ ਚੈਂਪੀਅਨ ਹੈ।  ਉਸਨੇ ਪੂਰੇ ਖੇਤਰ ਵਿੱਚ ਵਿਦਿਆਰਥੀਆਂ ਅਤੇ ਪਰਿਵਾਰਾਂ ਦਾ ਸਮਰਥਨ ਕੀਤਾ ਹੈ। ਸਕੂਲਾਂ ਵਿੱਚ ਆਪਣੇ ਕੰਮ ਤੋਂ ਇਲਾਵਾ, ਟੋਵਜ਼ ਫੇਅਰ ਟਰੇਡ ਓਲਡਜ਼ ਕਮੇਟੀ ਦੀ ਪ੍ਰਧਾਨਗੀ ਕਰਦੀ ਹੈ ਅਤੇ ਉਸਨੂੰ ਸਟਾਰਸ ਆਫ਼ ਅਲਬਰਟਾ ਵਲੰਟੀਅਰ ਪੁਰਸਕਾਰ ਅਤੇ ਭਾਈਚਾਰੇ ਵਿੱਚ ਆਪਣੇ ਕੰਮ ਲਈ ਮਹਾਰਾਣੀ ਐਲਿਜ਼ਾਬੈਥ 99 ਪਲੈਟੀਨਮ ਜੁਬਲੀ ਮੈਡਲ ਨਾਲ ਮਾਨਤਾ ਪ੍ਰਾਪਤ ਹੈ। ਇਸ ਮੌਕੇ ਅਲਬਰਟਾ ਦੇ ਨਿਊ ਡੈਮੋਕਰੇਟਸ ਦੀ ਨੇਤਾ ਨਾਹੀਦ ਨੇਂਸ਼ੀ ਨੇ ਟੋਅਜ਼ ਦੀ ਨਾਮਜ਼ਦਗੀ ਦਾ ਸਵਾਗਤ ਕੀਤਾ। ਉਹਨਾਂ ਕਿਹਾ ਕਿ ਬੇਵ ਇਸ ਭਾਈਚਾਰੇ ਨੂੰ ਅੰਦਰੋਂ ਅਤੇ ਬਾਹਰੋਂ ਜਾਣਦੀ ਹੈ, ਉਸਨੇ ਆਪਣੀ ਜ਼ਿੰਦਗੀ ਸੁਣਨ, ਮਦਦ ਕਰਨ ਅਤੇ ਨਿਰਮਾਣ ਕਰਨ ਵਿੱਚ ਬਿਤਾਈ ਹੈ। ਭਾਵੇਂ ਇਹ ਅਗਲੀ ਪੀੜ੍ਹੀ ਨੂੰ ਸਲਾਹ ਦੇਣ ਦੀ ਹੋਵੇ, ਜਾਂ ਆਪਣੇ ਭਾਈਚਾਰੇ ਦੀ ਵਕਾਲਤ ਕਰਨ ਦੀ ਹੋਵੇ, ਉਹ ਹਮੇਸ਼ਾ ਅਲਬਰਟਾ ਦੀਆਂ ਕਦਰਾਂ-ਕੀਮਤਾਂ ਲਈ ਖੜ੍ਹੀ ਰਹੇਗੀ।”