ਅਫਗਾਨਿਸਤਾਨ ‘ਚ ਗੋਲਾਬਾਰੀ, ਸ਼ੀਆ ਪਰਿਵਾਰਾਂ ‘ਤੇ ਹਮਲਾ — ਕਈਆਂ ਦੀ ਮੌਤ

Herat-ਅਫਗਾਨਿਸਤਾਨ ਦੇ ਹੇਰਾਤ ਸੂਬੇ ਵਿੱਚ ਇਕ ਪਿਕਨਿਕ ਸਥਾਨ ‘ਤੇ ਗੁੰਡਿਆਂ ਵੱਲੋਂ ਕੀਤੀ ਗਈ ਗੋਲਾਬਾਰੀ ਵਿੱਚ ਕਈ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਕਈ ਹੋਰ ਜਖਮੀ ਹੋ ਗਏ।

ਇਹ ਹਮਲਾ ਹੇਰਾਤ ਦੇ ਇੰਜਿਲ ਜ਼ਿਲ੍ਹੇ ਵਿੱਚ ਵਾਪਰਿਆ, ਜਿੱਥੇ ਮੋਟਰਸਾਈਕਲਾਂ ‘ਤੇ ਆਏ ਅਣਪਛਾਤੇ ਹਥਿਆਰਬੰਦਾਂ ਨੇ ਲੋਕਾਂ ‘ਤੇ ਅਚਾਨਕ ਫਾਇਰਿੰਗ ਕਰ ਦਿੱਤੀ। ਮ੍ਰਿਤਕਾਂ ਦੀ ਗਿਣਤੀ ਬਾਰੇ ਵੱਖ-ਵੱਖ ਰਿਪੋਰਟਾਂ ਵਿੱਚ ਫਰਕ ਹੈ ਅਤੇ ਇਹ 4 ਤੋਂ 12 ਤੱਕ ਦੱਸੀ ਜਾ ਰਹੀ ਹੈ।

Abdul Mateen Qani ਮੁਤਾਬਕ ਇਸ ਹਮਲੇ ਵਿੱਚ ਘੱਟੋ-ਘੱਟ 7 ਲੋਕ ਮਾਰੇ ਗਏ ਹਨ, ਜਦਕਿ ਕੁਝ ਅਧਿਕਾਰੀਆਂ ਨੇ ਮੌਤਾਂ ਦੀ ਗਿਣਤੀ 4 ਦੱਸੀ ਹੈ। ਦੂਜੇ ਪਾਸੇ, ਹਸਪਤਾਲ ਦੇ ਡਾਕਟਰਾਂ ਦੇ ਹਵਾਲੇ ਨਾਲ ਮੌਤਾਂ ਦੀ ਗਿਣਤੀ 12 ਤੱਕ ਦੱਸੀ ਜਾ ਰਹੀ ਹੈ ਅਤੇ 12 ਲੋਕ ਜਖਮੀ ਵੀ ਹੋਏ ਹਨ।

ਰਿਪੋਰਟਾਂ ਮੁਤਾਬਕ ਨਿਸ਼ਾਨਾ ਬਣੇ ਲੋਕ ਹਜ਼ਾਰਾ ਸ਼ੀਆ ਭਾਈਚਾਰੇ ਨਾਲ ਸਬੰਧਤ ਸਨ, ਜੋ ਪਿਕਨਿਕ ਲਈ ਇਕ ਦਰਗਾਹ ਨੇੜੇ ਇਕੱਠੇ ਹੋਏ ਸਨ। ਅਫਗਾਨਿਸਤਾਨ ਵਿੱਚ ਇਹ ਘੱਟ ਗਿਣਤੀ ਵਾਲਾ ਭਾਈਚਾਰਾ ਪਹਿਲਾਂ ਵੀ ਅਜਿਹੇ ਹਮਲਿਆਂ ਦਾ ਸ਼ਿਕਾਰ ਬਣਦਾ ਰਿਹਾ ਹੈ।

Ahmadullah Muttaqi ਨੇ ਇਸਨੂੰ “ਦਹਿਸ਼ਤਗਰਦੀ ਘਟਨਾ” ਦੱਸਦੇ ਹੋਏ ਕਿਹਾ ਕਿ ਹਮਲਾ ਦੁਪਹਿਰ ਕਰੀਬ 3 ਵਜੇ ਹੋਇਆ। ਉਨ੍ਹਾਂ ਮੁਤਾਬਕ 4 ਲਾਸ਼ਾਂ ਅਤੇ 15 ਜਖਮੀ ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਹੈ, ਜਿਨ੍ਹਾਂ ਵਿੱਚ ਦੋ ਔਰਤਾਂ ਵੀ ਸ਼ਾਮਲ ਹਨ।

ਸੁਰੱਖਿਆ ਬਲਾਂ ਨੇ ਇਸ ਮਾਮਲੇ ਵਿੱਚ ਇੱਕ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ, ਹਾਲਾਂਕਿ ਹਮਲੇ ਦੀ ਜ਼ਿੰਮੇਵਾਰੀ ਕਿਸੇ ਵੀ ਗਰੁੱਪ ਨੇ ਨਹੀਂ ਲਈ।

ਇਹ ਘਟਨਾ ਇੱਕ ਵਾਰ ਫਿਰ ਅਫਗਾਨਿਸਤਾਨ ਵਿੱਚ ਘੱਟ ਗਿਣਤੀ ਭਾਈਚਾਰਿਆਂ ਦੀ ਸੁਰੱਖਿਆ ‘ਤੇ ਸਵਾਲ ਖੜ੍ਹੇ ਕਰਦੀ ਹੈ।