ਐਨਡੀਪੀ ਵਿੱਚ ਨਵੀਆਂ ਜ਼ਿੰਮੇਵਾਰੀਆਂ ਦਾ ਐਲਾਨ, ਡੌਨ ਡੇਵਿਸ ਸੰਸਦੀ ਅਗਵਾਈ ਜਾਰੀ ਰੱਖਣਗੇ

ਓਟਾਵਾ — ਕੈਨੇਡਾ ਦੀ ਨਵੀਂ ਐਨਡੀਪੀ ਲੀਡਰਸ਼ਿਪ ਹੇਠ ਪਾਰਟੀ ਵਿੱਚ ਜ਼ਿੰਮੇਵਾਰੀਆਂ ਦੀ ਵੰਡ ਕਰ ਦਿੱਤੀ ਗਈ ਹੈ। ਨਵੇਂ ਨੇਤਾ Avi Lewis ਦੇ ਸੰਸਦ ਤੋਂ ਬਾਹਰ ਹੋਣ ਕਾਰਨ, ਸਾਬਕਾ ਅੰਤਰਿਮ ਨੇਤਾ Don Davies ਹਾਊਸ ਆਫ ਕਾਮਨਜ਼ ਵਿੱਚ ਪਾਰਟੀ ਦੇ ਸੰਸਦੀ ਨੇਤਾ ਵਜੋਂ ਆਪਣੀ ਭੂਮਿਕਾ ਜਾਰੀ ਰੱਖਣਗੇ।

ਹਾਊਸ ਆਫ ਕਾਮਨਜ਼ ਸੋਮਵਾਰ ਤੋਂ ਮੁੜ ਬੈਠਕਾਂ ਸ਼ੁਰੂ ਕਰ ਰਿਹਾ ਹੈ, ਜੋ ਕਿ 29 ਮਾਰਚ ਨੂੰ ਐਵੀ ਲੂਇਸ ਦੀ ਜਿੱਤ ਤੋਂ ਬਾਅਦ ਪਹਿਲੀ ਵਾਰ ਹੋਵੇਗਾ। ਐਵੀ ਲੂਇਸ ਨੇ ਸ਼ੁੱਕਰਵਾਰ ਨੂੰ ਆਪਣੀ ਕਾਕਸ ਲਈ ਨਵੀਆਂ ਜ਼ਿੰਮੇਵਾਰੀਆਂ ਦਾ ਐਲਾਨ ਕੀਤਾ।ਇਸ ਅਨੁਸਾਰ, ਅਲਬਰਟਾ ਦੀ ਸੰਸਦ ਮੈਂਬਰ Heather McPherson ਨੂੰ ਹਾਊਸ ਲੀਡਰ ਅਤੇ ਵਿਦੇਸ਼ ਮਾਮਲਿਆਂ ਦੀ ਆਲੋਚਕ ਨਿਯੁਕਤ ਕੀਤਾ ਗਿਆ ਹੈ, ਜਦਕਿ ਵੈਨਕੂਵਰ ਦੀ ਐਮਪੀ Jenny Kwan ਨੂੰ ਕਾਕਸ ਚੇਅਰ ਬਣਾਇਆ ਗਿਆ ਹੈ।

ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਭਾਵੇਂ ਐਵੀ ਲੂਇਸ ਦੇ ਕੋਲ ਸੰਸਦ ਵਿੱਚ ਸੀਟ ਨਹੀਂ ਹੈ, ਫਿਰ ਵੀ ਉਹ ਖੁਦ ਇੰਟਰਗਵਰਨਮੈਂਟਲ ਮਾਮਲਿਆਂ ਅਤੇ ਮਹਿੰਗਾਈ (ਕਾਸਟ ਆਫ ਲਿਵਿੰਗ) ਦੇ ਮੁੱਦਿਆਂ ‘ਤੇ ਪਾਰਟੀ ਦੇ ਆਲੋਚਕ ਵਜੋਂ ਕੰਮ ਕਰਨਗੇ।Avi Lewis ਦੇ ਸੋਮਵਾਰ ਨੂੰ ਓਟਾਵਾ ਪਹੁੰਚਣ ਦੀ ਸੰਭਾਵਨਾ ਹੈ, ਜਿੱਥੇ ਉਹ ਮਹਿੰਗਾਈ, ਖਾਸ ਕਰਕੇ ਗ੍ਰੋਸਰੀ ਦੀਆਂ ਕੀਮਤਾਂ ‘ਤੇ ਕੇਂਦਰਿਤ ਨੀਤੀ ਪ੍ਰਸਤਾਵਾਂ ਦਾ ਐਲਾਨ ਕਰਨਗੇ।ਐਵੀ ਲੂਇਸ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਉਹ ਤੁਰੰਤ ਸੰਸਦ ਵਿੱਚ ਸੀਟ ਜਿੱਤਣ ਦੀ ਜਲਦੀ ਵਿੱਚ ਨਹੀਂ ਹਨ ਅਤੇ ਪਾਰਟੀ ਨੂੰ ਜੜਾਂ ਤੋਂ ਮੁੜ ਮਜ਼ਬੂਤ ਕਰਨ ‘ਤੇ ਧਿਆਨ ਦੇ ਰਹੇ ਹਨ।