ਨਸ਼ੇ ਵਿੱਚ ਡਰਾਈਵਿੰਗ ਰੋਕਣ ਵਾਲੀ ਤਕਨੀਕ ਨਵੀਆਂ ਗੱਡੀਆਂ ਵਿੱਚ ਲਾਜ਼ਮੀ ਬਣਾਉਣ ਦੀ ਮੰਗ ਤੇਜ਼

ਉਨ੍ਹਾਂ ਸੀਟ ਬੈਲਟਾਂ ਦਾ ਉਦਾਹਰਨ ਦਿੰਦਿਆਂ ਕਿਹਾ ਕਿ ਸ਼ੁਰੂਆਤ ਵਿੱਚ ਕੁਝ ਲੋਕ ਇਸ ਦੇ ਵਿਰੁੱਧ ਸਨ, ਪਰ ਬਾਅਦ ਵਿੱਚ ਬਹੁਗਿਣਤੀ ਨੇ ਇਸਨੂੰ ਆਪਣੀ ਸੁਰੱਖਿਆ ਲਈ ਜ਼ਰੂਰੀ ਮੰਨਿਆ।ਪ੍ਰੈੱਟ ਮੁਤਾਬਕ ਇਸ ਤਕਨੀਕ ਨੂੰ ਲੋਕਾਂ ਵਿੱਚ ਪ੍ਰਵਾਨਗੀ ਮਿਲਣ ਲਈ ਇਹ ਯਕੀਨੀ ਬਣਾਉਣਾ ਲਾਜ਼ਮੀ ਹੈ ਕਿ ਇਹ ਕਿਸੇ ਲਈ ਪਰੇਸ਼ਾਨੀ ਦਾ ਕਾਰਨ ਨਾ ਬਣੇ। ਉਨ੍ਹਾਂ ਦੱਸਿਆ ਕਿ ਅਜਿਹੀਆਂ ਤਕਨੀਕਾਂ ਪਹਿਲਾਂ ਹੀ ਮੌਜੂਦ ਹਨ ਜੋ ਡਰਾਈਵਰ ਦੇ ਖੂਨ ਵਿੱਚ ਸ਼ਰਾਬ ਦੀ ਮਾਤਰਾ ਨੂੰ ਛੂਹ ਜਾਂ ਸਾਹ ਰਾਹੀਂ ਬਿਨਾਂ ਕਿਸੇ ਰੁਕਾਵਟ ਦੇ ਜਾਂਚ ਸਕਦੀਆਂ ਹਨ।

ਮੈੱਡ ਦੀ ਇਹ ਮੰਗ ਅਮਰੀਕਾ ਵਿੱਚ ਪਾਸ ਕੀਤੇ ਗਏ ਉਸ ਕਾਨੂੰਨ ਤੋਂ ਬਾਅਦ ਹੋਰ ਤੇਜ਼ ਹੋਈ ਹੈ, ਜਿਸ ਅਨੁਸਾਰ ਸਾਰੀਆਂ ਨਵੀਆਂ ਯਾਤਰੀ ਗੱਡੀਆਂ ਵਿੱਚ ਇਹ ਤਕਨੀਕ ਲਗਾਉਣਾ ਲਾਜ਼ਮੀ ਕੀਤਾ ਗਿਆ ਹੈ। ਇਹ ਕਾਨੂੰਨ “ਹਾਲਟ ਐਕਟ” ਤਹਿਤ ਲਿਆਂਦਾ ਗਿਆ ਸੀ, ਜਿਸਨੂੰ 2021 ਵਿੱਚ ਮਨਜ਼ੂਰੀ ਮਿਲੀ ਸੀ। ਪਹਿਲਾਂ ਇਸਦੀ ਲਾਗੂ ਮਿਆਦ 2026 ਰੱਖੀ ਗਈ ਸੀ, ਪਰ ਹੁਣ ਇਸਨੂੰ ਵਧਾ ਕੇ 2030 ਕਰ ਦਿੱਤਾ ਗਿਆ ਹੈ।ਪ੍ਰੈੱਟ ਨੇ ਕਿਹਾ ਕਿ ਉਹ ਸਿਰਫ਼ ਕੈਨੇਡੀਅਨ ਸੜਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੀ ਮੰਗ ਕਰ ਰਹੇ ਹਨ। ਉਨ੍ਹਾਂ ਜੋੜਿਆ ਕਿ ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਵਾਹਨ ਨਿਰਮਾਤਾ ਅਤੇ ਸਰਕਾਰ ਇਸ ਮਾਮਲੇ ‘ਤੇ ਇਕੱਠੇ ਕੰਮ ਕਰਨ।

ਉਨ੍ਹਾਂ ਦੱਸਿਆ ਕਿ ਆਧੁਨਿਕ ਗੱਡੀਆਂ ਵਿੱਚ ਪਹਿਲਾਂ ਹੀ ਕੈਮਰੇ, ਬ੍ਰੇਕਿੰਗ ਸਹਾਇਤਾ ਅਤੇ ਐਂਟੀ-ਕੋਲਿਜ਼ਨ ਵਰਗੀਆਂ ਤਕਨੀਕਾਂ ਮੌਜੂਦ ਹਨ, ਜੋ ਡਰਾਈਵਰ ਦੀਆਂ ਅੱਖਾਂ ਦੀ ਹਰਕਤ, ਗਤੀ ਅਤੇ ਲੇਨ ਵਿੱਚ ਰਹਿਣ ਦੀ ਸਮਰੱਥਾ ਨੂੰ ਨਿਗਰਾਨੀ ਕਰਦੀਆਂ ਹਨ। ਨਸ਼ੇ ਵਿੱਚ ਡਰਾਈਵ ਕਰਨ ਵਾਲਿਆਂ ਲਈ ਅਕਸਰ ਗਤੀ ਕੰਟਰੋਲ ਕਰਨਾ, ਲੇਨ ਵਿੱਚ ਰਹਿਣਾ ਅਤੇ ਸਚੇਤ ਰਹਿਣਾ ਮੁਸ਼ਕਲ ਹੋ ਜਾਂਦਾ ਹੈ, ਜਿਸ ਕਾਰਨ ਇਹ ਤਕਨੀਕ ਲਾਭਦਾਇਕ ਸਾਬਤ ਹੋ ਸਕਦੀ ਹੈ।ਜ਼ਿਕਰਯੋਗ ਹੈ ਕਿ ਅਮਰੀਕੀ ਕਾਂਗਰਸ ਦੇ ਇੱਕ ਰਿਪਬਲਿਕਨ ਮੈਂਬਰ ਨੇ ਇਸ ਸਾਲ ਜਨਵਰੀ ਵਿੱਚ ਕਾਨੂੰਨ ਨੂੰ ਰੱਦ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਦਲ-ਵਿਹੂਣੇ ਸਮਰਥਨ ਨਾਲ ਇਹ ਪ੍ਰਸਤਾਵ ਖ਼ਾਰਜ ਕਰ ਦਿੱਤਾ ਗਿਆ।