ਟੋਰਾਂਟੋ ’ਚ ਨਵੇਂ ਰਿਨੋਵਿਕਸ਼ਨ ਉਪ-ਨਿਯਮ ਬਾਰੇ ਸਿੱਖਿਆ ਮੁਹਿੰਮ ਸ਼ੁਰੂ

ਟੋਰਾਂਟੋ-ਟੋਰਾਂਟੋ ਸ਼ਹਿਰ ਨੇ ਲੋਕਾਂ ਨੂੰ ਇੱਕ ਨਵੇਂ“ਰਿਨੋਵਿਕਸ਼ਨ”ਉਪ-ਨਿਯਮ ਬਾਰੇ ਸੂਚਿਤ ਕਰਨ ਲਈ ਇੱਕ ਜਨਤਕ ਸਿੱਖਿਆ ਮੁਹਿੰਮ ਸ਼ੁਰੂ ਕੀਤੀ ਹੈ ਜੋ ਕਿ 31 ਜੁਲਾਈ ਤੋਂ ਲਾਗੂ ਹੋਣ ਜਾ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਇਹ ਉਪ-ਨਿਯਮ, ਜੋ ਕਿ 2019 ਤੋਂ ਕੰਮ ਕਰ ਰਿਹਾ ਸੀ ਅਤੇ ਪਿਛਲੇ ਸਾਲ ਦੇ ਅਖੀਰ ਵਿੱਚ ਪਾਸ ਹੋਇਆ ਸੀ, ਦਾ ਉਦੇਸ਼ ਬਹੁਤ ਜ਼ਿਆਦਾ ਦਰ ’ਤੇ ਦੁਬਾਰਾ ਕਿਰਾਏ ’ਤੇ ਲੈਣ ਦੇ ਇਰਾਦੇ ਨਾਲ, ਮੁਰੰਮਤ ਦੀ ਆੜ ਵਿੱਚ ਬੇਦਖਲੀ ਨੂੰ ਰੋਕਣਾ ਹੈ। 
ਜ਼ਿਕਰਯੋਗ ਹੈ ਇਸ ਨਿਯਮ ਅਨੁਸਾਰ ਮਕਾਨ ਮਾਲਕ ਨੂੰ ਕਈ ਕਦਮਾਂ ਵਿੱਚੋਂ ਲੰਘਣਾ ਪਵੇਗਾ ਭਾਵ ਉਹ ਮੁਰੰਮਤ ਲਈ ਕਿਰਾਏਦਾਰੀ ਖਤਮ ਕਰਨ ਲਈ ਐਨਏਸੀ ਨੋਟਿਸ ਜਾਰੀ ਕਰਦਾ ਹੈ ਤਾਂ ਜੋ ਉਹ ਮੁਰੰਮਤ ਕਰਨ ਲਈ ਜਿਨ੍ਹਾਂ ਲਈ ਯੂਨਿਟ ਨੂੰ ਖਾਲੀ ਕਰਨ ਦੀ ਲੋੜ ਹੋਵੇਗੀ। ਉਨ੍ਹਾਂ ਕਦਮਾਂ ਵਿੱਚ $700 ਦੀ ਲਾਗਤ ਨਾਲ ਇੱਕ ਬਿਲਡਿੰਗ ਪਰਮਿਟ ਅਤੇ ਇੱਕ ਰਿਹਾਇਸ਼ੀ ਕਿਰਾਏ ਦੀ ਮੁਰੰਮਤ ਲਾਇਸੈਂਸ ਪ੍ਰਾਪਤ ਕਰਨਾ ਸ਼ਾਮਲ ਹੈ। ਇਸ ਤੋਂ ਬਿਨਾਂ ਮਕਾਨ ਮਾਲਕਾਂ ਨੂੰ ਕਿਰਾਏਦਾਰਾਂ ਨੂੰ ਮੂਵਿੰਗ ਭੱਤੇ ਦੇ ਰੂਪ ਵਿੱਚ ਵਿੱਤੀ ਮੁਆਵਜ਼ਾ ਪ੍ਰਦਾਨ ਕਰਨ ਦੀ ਵੀ ਲੋੜ ਹੋਵੇਗੀ। ਜੇਕਰ ਕੋਈ ਕਿਰਾਏਦਾਰ ਮੁਰੰਮਤ ਕੀਤੀ ਇਕਾਈ ਵਿੱਚ ਵਾਪਸ ਨਾ ਆਉਣ ਦੀ ਚੋਣ ਕਰਦਾ ਹੈ, ਤਾਂ ਮਕਾਨ ਮਾਲਕ ਨੂੰ ਤਿੰਨ ਮਹੀਨਿਆਂ ਦੇ ’ਰੈਂਟ-ਗੈਪ’ ਭੁਗਤਾਨਾਂ ਦੇ ਬਰਾਬਰ ਇੱਕਮੁਸ਼ਤ ਰਕਮ ਦਾ ਭੁਗਤਾਨ ਕਰਨ ਦੀ ਲੋੜ ਹੁੰਦੀ ਹੈ। ਇਸ ਮੌਕੇ ਕਾਉਂਟਰ ਪੌਲਾ ਫਲੇਚਰ ਨੇ ਕਿਹਾ ਕਿ ਇਹ ਯਤਨ ਇਹ ਯਕੀਨੀ ਬਣਾਉਣ ਲਈ ਹੈ ਕਿ ਕਿਰਾਏ ਦੇ ਨਿਯੰਤਰਣ ਅਧੀਨ ਸਾਰੇ ਕਿਫਾਇਤੀ ਕਿਰਾਏ ਦੇ ਮਕਾਨ ਸੁਰੱਖਿਅਤ ਹਨ। “ਇਹ ਸਾਰਿਆਂ ਨੂੰ ਦੱਸਦਾ ਹੈ ਕਿ ਨਿਯਮ ਕੀ ਹਨ, ਕਿਉਂਕਿ ਅਸੀਂ 31 ਜੁਲਾਈ ਤੋਂ ਸ਼ਹਿਰ ਵਿੱਚ ਨਵੇਂ ਨਿਯਮ ਲਿਆਉਣ ਜਾ ਰਹੇ ਹਾਂ। ਦੱਸ ਦਈਏ ਹੈਮਿਲਟਨ ਓਨਟਾਰੀਓ ਦਾ ਪਹਿਲਾ ਸ਼ਹਿਰ ਸੀ ਜਿਸਨੇ ਰਿਨੋਵਿਕਸ਼ਨ ਉਪ-ਨਿਯਮ ਪਾਸ ਕੀਤਾ। ਸ਼ਹਿਰ ਦੇ ਸਟਾਫ ਨੇ ਟੋਰਾਂਟੋ ਲਈ ਇੱਕ ਬਣਾਉਣ ਤੋਂ ਪਹਿਲਾਂ ਉਸ ਉਪ-ਨਿਯਮ ਦਾ ਵਿਸ਼ਲੇਸ਼ਣ ਕੀਤਾ, ਜੋ ਹੁਣ ਅਜਿਹਾ ਕਾਨੂੰਨ ਪੇਸ਼ ਕਰਨ ਵਾਲਾ ਸੂਬੇ ਦਾ ਦੂਜਾ ਸ਼ਹਿਰ ਹੈ।