28 ਅਪ੍ਰੈਲ ਨੂੰ ਆਵੇਗੀ ਕਾਰਨੀ ਸਰਕਾਰ ਦੀ ਪਹਿਲੀ ਵਿੱਤੀ ਅਪਡੇਟ
ਕੈਨੇਡਾ — ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅਗਵਾਈ ਹੇਠ ਲਿਬਰਲ ਸਰਕਾਰ 28 ਅਪ੍ਰੈਲ ਨੂੰ ਆਪਣੀ ਪਹਿਲੀ ਵਿੱਤੀ ਅਪਡੇਟ ਪੇਸ਼ ਕਰਨ ਜਾ ਰਹੀ ਹੈ। ਇਸ ਬਾਰੇ ਐਲਾਨ ਵਿੱਤ ਮੰਤਰੀ ਫਰਾਂਸਵਾ-ਫਿਲਿਪ ਸ਼ੈਂਪੇਨ ਨੇ ਹਾਊਸ ਆਫ ਕਾਮਨਜ਼ ਵਿੱਚ ਕੀਤਾ।
ਇਹ ਅਪਡੇਟ ਕਾਰਨੀ ਸਰਕਾਰ ਲਈ ਅਹਿਮ ਮੰਨੀ ਜਾ ਰਹੀ ਹੈ ਕਿਉਂਕਿ ਇਸ ਰਾਹੀਂ ਸਰਕਾਰ ਆਪਣੀਆਂ ਆਰਥਿਕ ਤਰਜੀਹਾਂ, ਖਰਚ ਨੀਤੀਆਂ ਅਤੇ ਭਵਿੱਖੀ ਯੋਜਨਾਵਾਂ ਦੀ ਝਲਕ ਦੇਵੇਗੀ। ਜਾਣਕਾਰੀ ਅਨੁਸਾਰ, ਧਿਆਨ ਖਾਸ ਤੌਰ ’ਤੇ ਪਰਿਵਾਰਾਂ ਨੂੰ ਰਾਹਤ ਦੇਣ, ਉਦਯੋਗ ਨੂੰ ਮਜ਼ਬੂਤੀ ਦੇਣ ਅਤੇ ਕੁੱਲ ਅਰਥਵਿਵਸਥਾ ਨੂੰ ਸੰਭਾਲਣ ’ਤੇ ਰਹੇਗਾ।
ਇਹ ਐਲਾਨ ਉਸ ਵੇਲੇ ਆਇਆ ਹੈ ਜਦੋਂ ਬੈਂਕ ਆਫ ਕੈਨੇਡਾ 29 ਅਪ੍ਰੈਲ ਨੂੰ ਵਿਆਜ਼ ਦਰਾਂ ਬਾਰੇ ਆਪਣਾ ਫੈਸਲਾ ਸੁਣਾਉਣ ਵਾਲਾ ਹੈ, ਜਿਸ ਨਾਲ ਦੇਸ਼ ਦੀ ਆਰਥਿਕ ਦਿਸ਼ਾ ’ਤੇ ਸਿੱਧਾ ਅਸਰ ਪੈ ਸਕਦਾ ਹੈ।ਇਸ ਦਰਮਿਆਨ, ਵਿਸ਼ਵ ਪੱਧਰ ’ਤੇ ਬਣ ਰਹੀਆਂ ਤਣਾਭਰੀ ਹਾਲਤਾਂ ਵੀ ਚਿੰਤਾ ਦਾ ਵਿਸ਼ਾ ਹਨ। ਇਰਾਨ ਨਾਲ ਤਣਾਅ ਅਤੇ ਅਮਰੀਕਾ ਨਾਲ ਵਪਾਰਕ ਟਕਰਾਅ ਕਾਰਨ ਮਹਿੰਗਾਈ ’ਤੇ ਦਬਾਅ ਵਧ ਰਿਹਾ ਹੈ, ਜੋ ਕੈਨੇਡਾ ਦੀ ਅਰਥਵਿਵਸਥਾ ਲਈ ਚੁਣੌਤੀ ਬਣ ਸਕਦਾ ਹੈ।ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਇਸ਼ਾਰਾ ਦਿੱਤਾ ਹੈ ਕਿ ਸਰਕਾਰ ਛੋਟੇ ਤੇ ਵੱਡੇ ਦੋਹਾਂ ਪੱਧਰਾਂ ’ਤੇ ਕਦਮ ਚੁੱਕ ਕੇ ਅਰਥਵਿਵਸਥਾ ਨੂੰ ਹੋਰ ਮਜ਼ਬੂਤ ਅਤੇ ਆਤਮਨਿਰਭਰ ਬਣਾਉਣ ਦੀ ਕੋਸ਼ਿਸ਼ ਕਰੇਗੀ।
