ਕੰਜ਼ਰਵੇਟਿਵ ਪਾਰਟੀ ਵੱਲੋਂ ਪਲੇਟਫਾਰਮ ਜਾਰੀ, ਪਾਰਟੀ ‘ਟਰਾਂਸ-ਵਿਰੋਧੀ’ ਤੱਤਾਂ ਲਈ ਆਲੋਚਨਾ ਦਾ ਕਰ ਰਹੀ ਹੈ ਸਾਹਮਣਾ

ਓਨਟਾਰੀਓ-ਕੈਨੇਡਾ ਦੀਆਂ ਸੰਘੀ ਚੋਣਾਂ ਦੇ ਮੱਦੇਨਜ਼ਰ ਕੰਜ਼ਰਵੇਟਿਵ ਨੇਤਾ ਪੀਅਰੇ ਪੋਇਲੀਵਰ ਨੇ ਵੁੱਡਬ੍ਰਿਜ, ਓਨਟਾਰੀਓ ਵਿੱਚ ਪਾਰਟੀ ਦਾ ਪੂਰਾ ਪਲੇਟਫਾਰਮ ਜਾਰੀ ਕੀਤਾ। ਜਾਣਕਾਰੀ ਮੁਤਾਬਕ ਇਸ ਪਲੇਟਫਾਰਮ ਵਿੱਚ ਜਨਤਕ ਸੁਰੱਖਿਆ ਨੂੰ ਬਹਾਲ ਕਰਨ ਬਾਰੇ ਇੱਕ ਭਾਗ ਸ਼ਾਮਲ ਹੈ, ਜਿਸ ਵਿੱਚ ਕਮਿਸ਼ਨਰ ਦੇ ਨਿਰਦੇਸ਼ 100 ਨੂੰ ਰੱਦ ਕਰਨਾ ਸ਼ਾਮਲ ਹੈ। ਕੈਨੇਡਾ ਸਰਕਾਰ ਇਸ ਨਿਰਦੇਸ਼ ਨੂੰ ਲਿੰਗ-ਵਿਭਿੰਨ ਅਪਰਾਧੀਆਂ ’ਤੇ ਲਾਗੂ ਹੋਣ ਵਜੋਂ ਦਰਸਾਉਂਦੀ ਹੈ, ਇਹ ਯਕੀਨੀ ਬਣਾਉਂਦੀ ਹੈ ਕਿ ਉਨ੍ਹਾਂ ਦੇ ਮਨੁੱਖੀ ਅਧਿਕਾਰਾਂ ਦਾ ਸਤਿਕਾਰ ਕੀਤਾ ਜਾਵੇ ਅਤੇ ਉਨ੍ਹਾਂ ਦੀ ਸੁਰੱਖਿਆ ਅਤੇ ਮਾਣ-ਸਨਮਾਨ, ਨਾਲ ਹੀ ਸੰਸਥਾਵਾਂ ਅਤੇ ਭਾਈਚਾਰੇ ਵਿੱਚ ਦੂਜਿਆਂ ਦੀ ਸੁਰੱਖਿਆ ਦੀ ਰੱਖਿਆ ਕੀਤੀ ਜਾਵੇ। ਇਸ ਸਬੰਧੀ ਕੰਜ਼ਰਵੇਟਿਵ ਪਾਰਟੀ ਪਲੇਟਫਾਰਮ ਦਾ ਕਹਿਣਾ ਹੈ ਕਿ ਇਹ ਨਿਰਦੇਸ਼ ਪੁਰਸ਼ ਅਪਰਾਧੀਆਂ ਨੂੰ ਔਰਤਾਂ ਦੀਆਂ ਜੇਲ੍ਹਾਂ ਵਿੱਚ ਰੱਖਣ ਦੀ ਆਗਿਆ ਦਿੰਦਾ ਹੈ। 
ਜ਼ਿਕਰਯੋਗ ਹੈ ਕੰਜ਼ਰਵੇਟਿਵ ਪਾਰਟੀ ਆਫ਼ ਕੈਨੇਡਾ ਪਲੇਟਫਾਰਮ ਵਿੱਚ ਚਾਰ ਵਾਰ ਔਰਤਾਂ ਦਾ ਜ਼ਿਕਰ ਕੀਤਾ ਗਿਆ ਜਿਨ੍ਹਾਂ ਵਿੱਚੋਂ ਤਿੰਨ ਜ਼ਿਕਰ ਇੱਕ ਐਂਟੀ-ਟਰਾਂਸ ਨੀਤੀ ਵਾਅਦੇ ਨਾਲ ਸਬੰਧਤ ਹਨ। ਇਸ ਮੌਕੇ ਕਵੀਅਰ ਮੋਮੈਂਟਮ ਦੇ ਕਾਰਜਕਾਰੀ ਨਿਰਦੇਸ਼ਕ ਫੇ ਜੌਹਨਸਟੋਨ ਨੇ ਕਿਹਾ ਕਿ“ਇਹ ਰਾਜਨੀਤੀ ਪ੍ਰਤੀ ਟਰੰਪੀਅਨ ਪਹੁੰਚ ਹੈ ਭਾਵ ਔਰਤਾਂ ਅਤੇ ਟਰਾਂਸਜੈਂਡਰ ਕੈਨੇਡੀਅਨ ਦੋਵਾਂ ਦੁਆਰਾ ਅਨੁਭਵ ਕੀਤੀ ਜਾਂਦੀ ਹਿੰਸਾ, ਵਿਤਕਰੇ ਅਤੇ ਅਸਮਾਨਤਾ ਨੂੰ ਹੱਲ ਕਰਨ ਲਈ ਠੋਸ ਉਪਾਅ ਅੱਗੇ ਵਧਾਉਣ ਦੀ ਬਜਾਏ ਔਰਤਾਂ ਨੂੰ ਟਰਾਂਸਜੈਂਡਰ ਲੋਕਾਂ ਦੇ ਵਿਰੁੱਧ ਖੜ੍ਹਾ ਕਰਨਾ ਹੈ। ਇਸ ਪਲੇਟਫਾਰ ਵਿੱਚ ਕੰਜ਼ਰਵੇਟਿਵ ਪਾਰਟੀ ਨੇ ਭਾਈਚਾਰੇ ਦੇ ਅਧਿਕਾਰਾਂ ਦਾ ਕੋਈ ਹਵਾਲਾ ਨਹੀਂ ਦਿੰਦਾ ਹੈ। ਦੂਜੇ ਪਾਸੇ ਲਿਬਰਲ ਪਾਰਟੀ ਆਫ਼ ਕੈਨੇਡਾ ਅਤੇ ਨਿਊ ਡੈਮੋਕ੍ਰੇਟਿਕ ਪਾਰਟੀ ਦੇ ਪਲੇਟਫਾਰਮਾਂ ਵਿੱਚ ਦੋਵੇਂ BSLGBTQIA+ ਕੈਨੇਡੀਅਨਾਂ ਦੇ ਅਧਿਕਾਰਾਂ ਦੀ ਰੱਖਿਆ ਦਾ ਜ਼ਿਕਰ ਕੀਤਾ ਗਿਆ। ਲਿਬਰਲ ਪਲੇਟਫਾਰਮ ਮੁਤਾਬਕ ਇਹ ਕੈਨੇਡੀਅਨ ਚਾਰਟਰ ਆਫ਼ ਰਾਈਟਸ ਐਂਡ ਫਰੀਡਮਜ਼ ਲਈ ਖੜ੍ਹਾ ਹੋਵੇਗਾ, “ਉਨ੍ਹਾਂ ਕਦਰਾਂ-ਕੀਮਤਾਂ ਦੀ ਰੱਖਿਆ ਕਰੇਗਾ ਜਿਨ੍ਹਾਂ ’ਤੇ ਇਹ ਸਥਾਪਿਤ ਕੀਤਾ ਗਿਆ ਸੀ, ਜੋ ਖ਼ਤਰੇ ਵਿੱਚ ਹਨ, ਅਤੇ ਸਾਡੇ ਸਭ ਤੋਂ ਕਮਜ਼ੋਰ ਲੋਕਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਏਗਾ।” ਇਹ BSLGBTQIA+ ਕਮਿਊਨਿਟੀ ਕੈਪੇਸਿਟੀ ਫੰਡ ਲਈ ਫੰਡਿੰਗ ਨੂੰ ਸਥਾਈ ਵੀ ਬਣਾਏਗਾ। ਨਾਲ ਹੀ ਐਨਡੀਪੀ ਪਾਰਟੀ ਨੇ ਕਿਹਾ ਕਿ ਅਸੀਂ ਕੈਨੇਡਾ ਵਿੱਚ ਵਿਭਿੰਨਤਾ ਦੀ ਰੱਖਿਆ ਲਈ ਨਵੇਂ ਕਦਮ ਚੁੱਕਾਂਗੇ, ਜਿਸ ਵਿੱਚ BSLGBTQIA+ ਭਾਈਚਾਰਿਆਂ ਦਾ ਸਮਰਥਨ ਕਰਨਾ ਸ਼ਾਮਲ ਹੈ ਜੋ ਵੱਧ ਤੋਂ ਵੱਧ ਨਫ਼ਰਤ ਅਤੇ ਹਿੰਸਾ ਦਾ ਸ਼ਿਕਾਰ ਹੋ ਰਹੇ ਹਨ।”