ਕੈਲੋਨਾ ਵਿੱਚ ਵੱਧ ਰਹੀਆਂ ਫਰਜ਼ੀ ਕਾਲਾਂ ਸਬੰਧੀ ਪੁਲਿਸ ਨੇ ਦਿੱਤੀ ਲੋਕਾਂ ਨੂੰ ਚੇਤਾਵਨੀ

ਕੈਲੋਨਾ-ਕੈਲੋਨਾ ਵਿੱਚ ਫਰਜ਼ੀ ਲੋਕਾਂ ਵੱਲੋਂ ਕੀਤੀਆਂ ਜਾ ਰਹੀਆਂ ਕਾਲਾਂ ਜੋ ਡਿਟੈਚਮੈਂਟ ਤੋਂ ਆ ਰਹੀਆਂ ਹਨ, ਲਗਾਤਾਰ ਵੱਧਦੀਆਂ ਜਾ ਰਹੀਆਂ ਹਨ ਜਿਸ ਸਬੰਧੀ ਕੈਲੋਨਾ ਆਰਸੀਐਮਪੀ ਨੇ ਸਥਾਨਕ ਲੋਕਾਂ ਨੂੰ ਚੇਤਾਵਨੀ ਦਿੱਤੀ। ਜਾਣਕਾਰੀ ਮੁਤਾਬਕ ਇਸ ਸਬੰਧੀ ਪੁਲਿਸ ਦਾ ਕਹਿਣਾ ਹੈ ਕਿ ਧੋਖੇਬਾਜ਼ ਕਾਲਰ ਆਈਡੀ ਵਿੱਚ ਹੇਰਾਫੇਰੀ ਕਰ ਰਹੇ ਹਨ ਤਾਂ ਜੋ ਇਹ ਦਿਖਾਇਆ ਜਾ ਸਕੇ ਕਿ ਉਹ ਕੈਲੋਨਾ ਆਰਸੀਐਮਪੀ ਡਿਟੈਚਮੈਂਟ ਦੀ ਗੈਰ-ਐਮਰਜੈਂਸੀ ਲਾਈਨ -250-762-3300 ਤੋਂ ਕਾਲ ਕਰ ਰਹੇ ਹਨ ਜਿਸ ਵਿੱਚ ਉਹ ਖੁਦ ਨੂੰ ਇੱਕ ਆਰਸੀਐਮਪੀ ਅਧਿਕਾਰੀ ਦੱਸਦੇ ਹਨ ਅਤੇ ਕਹਿੰਦੇ ਹਨ ਕਿ ਉਹ ਉਸ ਵਿਅਕਤੀ ਦੀ ਜਾਂਚ ਕਰ ਰਹੇ ਹਨ ਜੋ ਕਿਸੇ ਅਪਰਾਧਿਕ ਅਪਰਾਧ ਲਈ ਜਵਾਬ ਦਿੰਦਾ ਹੈ ਅਤੇ ਨਿੱਜੀ ਜਾਣਕਾਰੀ ਮੰਗਦਾ ਹੈ। ਇਸ ਮੌਕੇ ਕਾਰਪੋਰੇਲ ਮਾਈਕਲ ਗੌਥੀਅਰ ਨੇ ਦੱਸਿਆ ਕਿ ਦੇਸ਼ ਭਰ ਦੇ ਸੰਭਾਵੀ ਪੀੜਤਾਂ ਤੋਂ ਲਗਭਗ 20 ਕਾਲਾਂ ਪ੍ਰਾਪਤ ਹੋਈਆਂ ਹਨ ਜੋ ਇਨ੍ਹਾਂ ਸਪੂਫ ਫ਼ੋਨ ਕਾਲਾਂ ਬਾਰੇ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ।”ਉਹਨਾਂ ਅੱਗੇ ਕਿਹਾ ਕਿ ਡਿਟੈਚਮੈਂਟ ਅਜੇ ਵੀ ਘਟਨਾਵਾਂ ਦੀ ਜਾਂਚ ਕਰ ਰਹੀ ਹੈ। ਇਸ ਸਬੰਧੀ ਪੁਲਿਸ ਨੇ ਇਨ੍ਹਾਂ ਫਰਜ਼ੀ ਲੋਕਾਂ ਅਤੇ ਫੋਨ ਕਾਲਾਂ ਤੋਂ ਬਚਣ ਲਈ ਕੁੱਝ ਸੁਝਾਅ ਵੀ ਦਿੱਤੇ। ਇਸ ਮੌਕੇ ਪੁਲਿਸ ਨੇ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਆਪਣੇ ਆਪ ਨੂੰ ਆਰਸੀਐਮਪੀ ਅਧਿਕਾਰੀ ਦੱਸਦਾ ਹੈ ਤਾਂ ਤੁਰੰਤ ਉਸ ਦਾ ਨਾਮ, ਫਾਈਲ ਨੰਬਰ ਅਤੇ ਫੋਨ ਕਰਨ ਦਾ ਮਕਸਦ ਪੁੱਛੋ ਅਤੇ ਸਾਨੂੰ ਤੁਰੰਤ ਇਸ ਬਾਰੇ ਇਤਲਾਹ ਦਿਓ ਅਤੇ ਆਪਣੀ ਨਿੱਜੀ ਜਾਣਕਾਰੀ ਸਾਂਝੀ ਨਾ ਕਰੋ। ਇਸ ਮੌਕੇ ਪੁਲਿਸ ਨੇ 250-762-3300 ਨੰਬਰ ਜਾਰੀ ਕੀਤਾ ਜਿਸ ਵਿੱਚ ਕੋਈ ਵੀ ਵਿਅਕਤੀ ਆਪਣੇ ਨਾਲ ਹੋਏ ਧੋਖੇ ਬਾਰੇ ਦੱਸ ਸਕਦਾ ਹੈ।