ਕੈਨੇਡਾ ਦੇ ਪ੍ਰੀਮੀਅਰ ਓਨਟਾਰੀਓ ਵਿੱਚ ਤਿੰਨ ਦਿਨਾਂ ਮੀਟਿੰਗ ਕਰਨ ਲਈ ਤਿਆਰ

ਟੋਰਾਂਟੋ-ਟੈਰਿਫ ਅਤੇ ਵਪਾਰ ਏਜੰਡੇ ਦੇ ਸਿਖਰ ਜੋ ਮੌਜੂਦਾ ਸਮੇਂ ਸਿਖਰ ’ਤੇ ਹਨ ਦੇ ਸਬੰਧ ਵਿੱਚ ਦੇਸ਼ ਦੇ ਪ੍ਰੀਮੀਅਰ ਓਨਟਾਰੀਓ ਦੇ ਕਾਟੇਜ ਦੇਸ਼ ਵਿੱਚ ਤਿੰਨ ਦਿਨਾਂ ਮੀਟਿੰਗ ਲਈ ਪਹੁੰਚ ਰਹੇ ਹਨ ਜੋ ਕੈਨੇਡਾ-ਅਮਰੀਕਾ ਅਤੇ ਘਰੇਲੂ ਸਬੰਧਾਂ ਦੋਵਾਂ ਲਈ ਸਾਰਥਕ ਕੰਮ ਕਰਨ ਦੇ ਹਿੱਸੇ ਵਜੋਂ ਹੋਣ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਮਸਕੋਕਾ ਵਿੱਚ ਪ੍ਰੀਮੀਅਰਾਂ ਦੇ ਨਾਲ ਨਾਲ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਮੁਲਾਕਾਤ ਵੀ ਹੋਵੇਗੀ, ਕਿਉਂਕਿ ਸੰਯੁਕਤ ਰਾਜ ਅਮਰੀਕਾ ਨਾਲ ਵਪਾਰਕ ਗੱਲਬਾਤ ਤੇਜ਼ ਹੋਣ ਦੀ ਉਮੀਦ ਹੈ। ਇਸ ਮੀਟਿੰਗ ਦੌਰਾਨ ਜ਼ਿਆਦਾਤਰ ਪ੍ਰੀਮੀਅਰਾਂ ਦੁਆਰਾ ਚਰਚਾ ਕੀਤੇ ਜਾਣ ਦੀ ਸੰਭਾਵਨਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਟੈਰਿਫ ਨਾਲ ਜੁੜੀ ਹੋਈ ਹੈ ਜੋ ਕਿ ਵਪਾਰ ਗੱਲਬਾਤ, ਸਟੀਲ ਅਤੇ ਐਲੂਮੀਨੀਅਮ ਵਰਗੇ ਉਦਯੋਗਾਂ ’ਤੇ ਸਿੱਧਾ ਪ੍ਰਭਾਵ, ਅੰਤਰ-ਸੂਬਾਈ ਵਪਾਰ ਰੁਕਾਵਟਾਂ ਨੂੰ ਹਟਾਉਣ ਅਤੇ ਟੈਰਿਫ ਦੇ ਪ੍ਰਭਾਵਾਂ ਦਾ ਮੁਕਾਬਲਾ ਕਰਨ ਲਈ ਪ੍ਰਮੁੱਖ ਬੁਨਿਆਦੀ ਢਾਂਚੇ ਅਤੇ ਕੁਦਰਤੀ ਸਰੋਤ ਪ੍ਰੋਜੈਕਟਾਂ ਨੂੰ ਤੇਜ਼ ਕਰਨ ਲਈ ਵਧੇ ਹੋਏ ਦਬਾਅ ਅਤੇ ਨਾਲ ਹੀ ਉਨ੍ਹਾਂ ਬਾਰੇ ਆਦਿਵਾਸੀ ਭਾਈਚਾਰਿਆਂ ਦੀਆਂ ਚਿੰਤਾਵਾਂ ਨੂੰ ਮੁੱਖ ਰੱਖ ਕੇ ਕੀਤੀ ਜਾਵੇਗੀ।

ਜ਼ਿਕਰਯੋਗ ਹੈ ਸੋਮਵਾਰ ਨੂੰ ਪ੍ਰੀਮੀਅਰਾਂ ਦੀ ਮੀਟਿੰਗ ਦੇ ਪਹਿਲੇ ਦਿਨ ਵਿੱਚ ਅਸੈਂਬਲੀ ਆਫ਼ ਫਸਟ ਨੇਸ਼ਨਜ਼, ਮੈਟਿਸ ਨੈਸ਼ਨਲ ਕੌਂਸਲ ਅਤੇ ਨੇਟਿਵ ਵੂਮੈਨਜ਼ ਐਸੋਸੀਏਸ਼ਨ ਆਫ਼ ਕੈਨੇਡਾ ਸਮੇਤ ਆਦਿਵਾਸੀ ਨੇਤਾਵਾਂ ਨਾਲ ਚਰਚਾਵਾਂ ਸ਼ਾਮਲ ਹਨ। ਇਸ ਤੋਂ ਬਿਨਾਂ ਕੁਝ ਪ੍ਰਮੁੱਖ ਤਰਜੀਹਾਂ ਜਿਨ੍ਹਾਂ ਨੂੰ ਪ੍ਰੀਮੀਅਰ ਜ਼ੋਰ ਦੇ ਰਹੇ ਹਨ ਉਨ੍ਹਾਂ ਵਿੱਚ ਓਨਟਾਰੀਓ ਦੇ ਰਿੰਗ ਆਫ਼ ਫਾਇਰ ਖੇਤਰ ਵਿੱਚ ਪਾਈਪਲਾਈਨਾਂ ਅਤੇ ਮਾਈਨਿੰਗ ਸ਼ਾਮਲ ਹਨ ਅਤੇ ਮੁਖੀਆਂ ਨੇ ਕਿਹਾ ਹੈ ਕਿ ਸਰਕਾਰਾਂ ਦੁਆਰਾ ਸਲਾਹ-ਮਸ਼ਵਰਾ ਕਰਨ ਦੇ ਆਪਣੇ ਫਰਜ਼ ਨੂੰ ਨਜ਼ਰਅੰਦਾਜ਼ ਕਰਕੇ ਅਜਿਹਾ ਨਹੀਂ ਹੋਣਾ ਚਾਹੀਦਾ।  ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ, ਜੋ ਪਿਛਲੇ ਸਾਲ ਫੈਡਰੇਸ਼ਨ ਕੌਂਸਲ ਦੇ ਮੁਖੀ ਵਜੋਂ ਸੇਵਾ ਨਿਭਾ ਚੁੱਕੇ ਹਨ, ਮੀਟਿੰਗ ਦੇ ਮੇਜ਼ਬਾਨ ਹਨ ਅਤੇ ਇੱਕ ਬਿਆਨ ਵਿੱਚ ਕਿਹਾ ਕਿ ਰਾਸ਼ਟਰੀ ਹਿੱਤਾਂ ਦੀ ਰੱਖਿਆ ਕਰਨਾ ਸਭ ਤੋਂ ਉੱਪਰ ਹੋਵੇਗਾ।  ਇਸ ਮੌਕੇ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਉਹ ਮੀਟਿੰਗ ਵਿੱਚ ਇਸ ਮੁੱਦੇ ਅਤੇ ਬੀ.ਸੀ. ਲਈ ਖਾਸ ਮਹੱਤਵ ਵਾਲੇ ਹੋਰ ਮੁੱਦਿਆਂ  ’ਤੇ ਵਿਚਾਰ ਚਰਚਾ ਕਰਨ ਲਈ ਤਿਆਰ ਹਨ।  ਇਸ ਤੋਂ ਬਿਨਾਂ ਅਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨਵੀਆਂ ਪਾਈਪਲਾਈਨਾਂ ਲਈ ਇੱਕ ਵੱਡਾ ਜ਼ੋਰ ਦੇ ਰਹੀ ਹੈ ਅਤੇ ਨਾਲ ਹੀ ਉਹਨਾਂ ਦਾ ਧਿਆਨ ਟੈਰਿਫ ਖਤਰੇ ਨੂੰ ਹੱਲ ਕਰਨ ਲਈ ਇਕੱਠੇ ਕੰਮ ਕਰਨ ’ਤੇ ਵੀ ਹੋਵੇਗਾ, ਜਿਸ ਵਿੱਚ ਅੰਤਰ-ਰਾਜੀ ਵਪਾਰ ਵੀ ਸ਼ਾਮਲ ਹੈ।