ਵਿਸਾਖੀ ਪਰੇਡ ਕਾਰਨ ਰਟਲੈਂਡ ਵਿੱਚ ਸੜਕਾਂ ਹੋਣਗੀਆਂ ਬੰਦ

ਕੈਲੋਨਾ-ਕੈਲੋਨਾ ਵਿੱਚ ਸ਼ਨੀਵਾਰ ਨੂੰ ਸਾਲਾਨਾ ਵਿਸਾਖੀ ਪਰੇਡ ਹੋਣ ਜਾ ਰਹੀ ਹੈ ਜਿਸ ਕਾਰਨ ਰਟਲੈਂਡ ਨਿਵਾਸੀਆਂ ਨੂੰ ਸੜਕਾਂ ਬੰਦ ਹੋਣ ਦੀ ਗੱਲ ਆਖੀ ਗਈ ਹੈ। ਜਾਣਕਾਰੀ ਮੁਤਾਬਕ  ਇਹ ਪਰੇਡ ਓਕਾਨਾਗਨ ਸਿੱਖ ਗੁਰਦੁਆਰਾ ਸਾਹਿਬ ਤੋਂ ਸ਼ੁਰੂ ਹੋਵੇਗੀ ਜਿਸ ਕਰਕੇ ਸੁਮੈਕ ਰੋਡ, ਸਾਈਕਾਮੋਰ ਰੋਡ, ਵਾਲੇਸ ਰੋਡ ਅਤੇ ਔਰਟ ਰੋਡ ਨੂੰ ਸਿਰਫ਼ ਸਥਾਨਕ ਆਵਾਜਾਈ ਲਈ ਸੀਮਤ ਕਰ ਦੇਵੇਗੀ। ਇਹ ਪਾਬੰਦੀਆਂ ਸਵੇਰੇ 9 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਲਾਗੂ ਰਹਿਣਗੀਆਂ। ਇਸ ਸਬੰਧੀ ਵਾਹਨ ਚਾਲਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਝੰਡੇਬਾਜ਼ਾਂ ’ਤੇ ਨਜ਼ਰ ਰੱਖਣ ਜੋ ਟਰੈਫਿਕ ਨੂੰ ਸਿੱਧਾ ਕਰਨ ਵਿੱਚ ਮਦਦ ਕਰਨ ਲਈ ਸਾਈਟ ’ਤੇ ਹੋਣਗੇ। ਇਸ ਤੋਂ ਇਲਾਵਾ ਸਵੇਰੇ 9 ਵਜੇ ਤੋਂ ਪਰੇਡ ਰੂਟ ’ਤੇ ਪਾਰਕਿੰਗ ਵੀ ਸੀਮਤ ਰਹੇਗੀ। ਜੋ ਕੋਈ ਵੀ ਪਰੇਡ ਦੇਖਣਾ ਚਾਹੁੰਦਾ ਹੈ ਉਹ ਰਟਲੈਂਡ ਮਿਡਲ ਅਤੇ ਸੈਕੰਡਰੀ ਸਕੂਲ ਦੇ ਲਾਟਾਂ ਵਿੱਚ ਪਾਰਕ ਕਰ ਸਕਦਾ ਹੈ।  ਸ਼ਟਲ ਬੱਸਾਂ ਸਿੱਖ ਗੁਰਦੁਆਰਿਆਂ ਵਿੱਚ ਆਉਣ-ਜਾਣ ਲਈ ਆਉਣਗੀਆਂ।