ਅਨੀਤਾ ਆਨੰਦ ਨੇ ਕੈਨੇਡਾ ਦੀ ਪਹਿਲੀ ਹਿੰਦੂ ਵਿਦੇਸ਼ ਮੰਤਰੀ ਵਜੋਂ ਚੁੱਕੀ ਸਹੁੰ

ਓਟਾਵਾ-ਕੈਨੇਡਾ ਦੇ ਇੰਡੋ-ਕੈਨੇਡੀਅਨ ਭਾਈਚਾਰੇ ਲਈ ਇੱਕ ਇਤਿਹਾਸਕ ਪਲ ਵਿੱਚ ਜੋੜਦਿਆਂ ਓਕਵਿਲ ਈਸਟ ਤੋਂ ਸੰਸਦ ਮੈਂਬਰ ਅਨੀਤਾ ਆਨੰਦ ਨੂੰ ਕੈਨੇਡਾ ਦੀ ਵਿਦੇਸ਼ ਮੰਤਰੀ ਨਿਯੁਕਤ ਕੀਤਾ ਗਿਆ ਹੈ, ਜੋ ਇਸ ਵੱਕਾਰੀ ਪੋਰਟਫੋਲੀਓ ਨੂੰ ਸੰਭਾਲਣ ਵਾਲੀ ਹਿੰਦੂ ਵਿਰਾਸਤ ਦੀ ਪਹਿਲੀ ਔਰਤ ਬਣ ਗਈ ਹੈ। 13 ਮਈ ਨੂੰ ਹੋਏ ਸਹੁੰ ਚੁੱਕ ਸਮਾਗਮ ਦੌਰਾਨ ਭਗਵਦ ਗੀਤਾ ’ਤੇ ਹੱਥ ਰੱਖ ਕੇ ਸਹੁੰ ਚੁੱਕਣ  ਵਾਲੇ ਅਨੀਤਾ ਆਨੰਦ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅਗਵਾਈ ਵਿੱਚ ਇੱਕ ਵਿਭਿੰਨ ਕੈਬਨਿਟ ਦੀ ਅਗਵਾਈ ਕਰੇਗੀ ਜਿਸ ਵਿੱਚ ਤਿੰਨ ਹੋਰ ਭਾਰਤੀ ਮੂਲ ਦੇ ਨੇਤਾ ਸ਼ਾਮਲ ਹਨ ਜੋ ਕਿ ਅੰਤਰਰਾਸ਼ਟਰੀ ਵਪਾਰ ਮੰਤਰੀ ਵਜੋਂ ਮਨਿੰਦਰ ਸਿੱਧੂ ਅਤੇ ਰਾਜ ਸਕੱਤਰ ਵਜੋਂ ਰੂਬੀ ਸਹੋਤਾ ਅਤੇ ਰਣਦੀਪ ਸਰਾਏ ਆਦਿ ਸ਼ਾਮਲ ਹਨ। ਨੋਵਾ ਸਕੋਸ਼ੀਆ ਦੇ ਕੈਂਟਵਿਲ ਵਿੱਚ ਪਲੀ, ਆਨੰਦ ਦੀ ਅਕਾਦਮਿਕ ਯਾਤਰਾ ਉਸਨੂੰ ਕਵੀਨਜ਼ ਯੂਨੀਵਰਸਿਟੀ, ਆਕਸਫੋਰਡ ਅਤੇ ਟੋਰਾਂਟੋ ਯੂਨੀਵਰਸਿਟੀ ਲੈ ਗਈ, ਜਿੱਥੇ ਉਸਨੇ ਕਾਨੂੰਨ ਦੀ ਡਿਗਰੀ ਪ੍ਰਾਪਤ ਕੀਤੀ ਅਤੇ ਬਾਅਦ ਵਿੱਚ ਇੱਕ ਪ੍ਰਸਿੱਧ ਪ੍ਰੋਫੈਸਰ ਬਣ ਗਈ। ਉਸਦੀ ਰਾਜਨੀਤਿਕ ਚੜ੍ਹਤ 2019 ਵਿੱਚ ਸ਼ੁਰੂ ਹੋਈ ਜਦੋਂ ਉਹ ਓਕਵਿਲ ਤੋਂ ਸੰਸਦ ਮੈਂਬਰ ਚੁਣੀ ਗਈ, ਕੈਨੇਡਾ ਦੇ ਹਾਊਸ ਆਫ਼ ਕਾਮਨਜ਼ ਵਿੱਚ ਪਹਿਲੀ ਹਿੰਦੂ ਔਰਤ ਬਣੀ।