ਵਰਨਨ ਵਿੱਚ ‘ਤੀਆਂ ਦਾ ਮੇਲਾ 2026’ 4 ਜੁਲਾਈ ਨੂੰ, ਮਹਿਲਾਵਾਂ ਲਈ ਵਿਸ਼ੇਸ਼ ਸੱਭਿਆਚਾਰਕ ਸਮਾਗਮ

ਵਰਨਨ (ਬੀ.ਸੀ.): ਵਰਨਨ ਸਾਂਝ ਸਹੇਲੀਆਂ ਕਲਚਰਲ ਸੋਸਾਇਟੀ ਵੱਲੋਂ ਪੰਜਾਬੀ ਸੱਭਿਆਚਾਰ ਅਤੇ ਰਵਾਇਤੀ ਤੀਆਂ ਦੇ ਤਿਉਹਾਰ ਨੂੰ ਸਮਰਪਿਤ ‘ਤੀਆਂ ਦਾ ਮੇਲਾ 2026’ ਦਾ ਆਯੋਜਨ ਸ਼ਨੀਵਾਰ, 4 ਜੁਲਾਈ 2026 ਨੂੰ ਕੀਤਾ ਜਾ ਰਿਹਾ ਹੈ। ਇਹ ਸਮਾਗਮ ਖ਼ਾਸ ਤੌਰ 'ਤੇ ਮਹਿਲਾਵਾਂ ਲਈ ਰੱਖਿਆ ਗਿਆ ਹੈ, ਜਿਸ ਦਾ ਮੰਤਵ ਪੰਜਾਬੀ ਸੱਭਿਆਚਾਰ, ਲੋਕ-ਗੀਤਾਂ, ਗਿੱਧੇ ਅਤੇ ਤੀਆਂ ਦੀਆਂ ਰਵਾਇਤਾਂ ਨੂੰ ਪਰਵਾਸ ਵਿੱਚ ਵੀ ਸਾਂਭਣਾ ਅਤੇ ਨਵੀਂ ਪੀੜ੍ਹੀ ਤੱਕ ਪਹੁੰਚਾਉਣਾ ਹੈ।ਸਮਾਗਮ ਸ਼ਾਮ 5:00 ਵਜੇ ਸ਼ੁਰੂ ਹੋਵੇਗਾ ਅਤੇ ਇਸ ਦੀ ਮੇਜ਼ਬਾਨੀ ਬੈਸਟ ਵੈਸਟਰਨ ਪ੍ਰੀਮੀਅਰ, 5350 ਐਂਡਰਸਨ ਵੇ, ਵਰਨਨ, ਬ੍ਰਿਟਿਸ਼ ਕੋਲੰਬੀਆ (V1T 9V2) ਵਿਖੇ ਕੀਤੀ ਜਾਵੇਗੀ।

ਮੇਲੇ ਦੌਰਾਨ ਮਿਸ ਤੀਆਂ ਅਤੇ ਮਿਸਿਜ਼ ਤੀਆਂ ਮੁਕਾਬਲੇ ਕਰਵਾਏ ਜਾਣਗੇ। ਇਸ ਤੋਂ ਇਲਾਵਾ ਰੰਗਾਰੰਗ ਸੱਭਿਆਚਾਰਕ ਪੇਸ਼ਕਾਰੀਆਂ, ਖੁੱਲ੍ਹਾ ਡਾਂਸ ਫਲੋਰ, ਸੁਆਦੀ ਐਪੇਟਾਈਜ਼ਰ ਅਤੇ ਡਿਨਰ, ਮਨੋਰੰਜਕ ਖੇਡਾਂ ਅਤੇ ਆਕਰਸ਼ਕ ਇਨਾਮ ਵੀ ਖਿੱਚ ਦਾ ਕੇਂਦਰ ਹੋਣਗੇ।ਟਿਕਟਾਂ ਦੀ ਕੀਮਤ ਅਗਾਊਂ ਬੁਕਿੰਗ ਲਈ 40 ਡਾਲਰ ਅਤੇ ਸਮਾਗਮ ਵਾਲੇ ਦਿਨ ਦਰਵਾਜ਼ੇ 'ਤੇ 45 ਡਾਲਰ ਰੱਖੀ ਗਈ ਹੈ। 5 ਤੋਂ 12 ਸਾਲ ਦੇ ਬੱਚਿਆਂ ਲਈ ਟਿਕਟ 15 ਡਾਲਰ ਹੈ, ਜਦਕਿ 5 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਦਾਖ਼ਲਾ ਮੁਫ਼ਤ ਹੋਵੇਗਾ।

ਟਿਕਟਾਂ ਦੀ ਬੁਕਿੰਗ ਲਈ ਇੱਛੁਕ ਵਿਅਕਤੀ (250) 308-4786, (825) 747-7979 ਜਾਂ (778) 930-0085 'ਤੇ ਸੰਪਰਕ ਕਰ ਸਕਦੇ ਹਨ।ਸਮਾਗਮ ਨੂੰ ਰੀਜਨਲ ਡਿਸਟ੍ਰਿਕਟ ਆਫ਼ ਨਾਰਥ ਓਕਾਨਾਗਨ ਵੱਲੋਂ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਆਯੋਜਕਾਂ ਨੇ ਭਾਈਚਾਰੇ ਦੀਆਂ ਮਹਿਲਾਵਾਂ ਨੂੰ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਨ ਦੀ ਅਪੀਲ ਕਰਦਿਆਂ ਕਿਹਾ ਹੈ ਕਿ ਉਨ੍ਹਾਂ ਦਾ ਸਹਿਯੋਗ ਸੰਸਥਾ ਨੂੰ ਭਵਿੱਖ ਵਿੱਚ ਵੀ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਅਤੇ ਅਜਿਹੇ ਸਮਾਗਮ ਕਰਵਾਉਣ ਲਈ ਹੋਰ ਉਤਸ਼ਾਹਿਤ ਕਰੇਗਾ।