ਸੈਰ-ਸਪਾਟਾ ਵਿਕਾਸ ਵਿੱਚ ਅਲਬਰਟਾ ਕੈਨੇਡਾ ਤੋਂ ਉੱਪਰ

ਅਲਬਰਟਾ-ਅਲਬਰਟਾ ਦਾ ਸੈਰ-ਸਪਾਟਾ ਉਦਯੋਗ ਨਵੀਆਂ ਉਚਾਈਆਂ ’ਤੇ ਪਹੁੰਚਣ ਦੇ ਰਾਹ ’ਤੇ ਹੈ, ਜੋ ਰਾਸ਼ਟਰੀ ਔਸਤ ਤੋਂ ਤਿੰਨ ਗੁਣਾ ਤੋਂ ਵੱਧ ਦੀ ਦਰ ਨਾਲ ਵਧ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਅਲਬਰਟਾ ਸਰਕਾਰ ਸੂਬੇ ਦੇ ਸੈਰ-ਸਪਾਟਾ ਖੇਤਰ ਦੀ ਮਹੱਤਤਾ ਨੂੰ ਸਮਝਦੀ ਹੈ ਅਤੇ ਸੈਰ-ਸਪਾਟਾ ਅਤੇ ਖੇਡ ਮੰਤਰਾਲੇ ਦੀ ਸਿਰਜਣਾ ਦੇ ਨਾਲ ਇਸਦੀ ਸਫਲਤਾ ਵਿੱਚ ਨਿਵੇਸ਼ ਕਰ ਰਹੀ ਹੈ। 2023 ਦੀ ਜੇਕਰ ਗੱਲ ਕਰੀਏ ਤਾਂ ਅਲਬਰਟਾ ਵਿੱਚ ਇਸ ਸਾਲ ਦੌਰਾਨ 12.7 ਬਿਲੀਅਨ ਡਾਲਰ ਸੈਲਾਨੀ ਖਰਚੇ ਵਧੇ ਜਿਨ੍ਹਾਂ ਨੇ ਰਿਕਾਰਡ ਤੋੜ ਦਿੱਤੇ ਅਤੇ ਪਿਛਲੇ ਰਿਕਾਰਡ ਨੂੰ ਲਗਭਗ 20 ਪ੍ਰਤੀਸ਼ਤ ਤੋਂ ਪਾਰ ਕਰ ਗਏ ਜਿਸ ਤੋਂ ਬਾਅਦ ਸੂਬੇ ਨੇ ਰਿਕਾਰਡ ਅੰਤਰਰਾਸ਼ਟਰੀ ਸੈਲਾਨੀ ਖਰਚਿਆਂ ਦਾ ਵੀ ਅਨੁਭਵ ਕੀਤਾ, ਜਿਸ ਨਾਲ ਵਿਸ਼ਵ ਪੱਧਰ ’ਤੇ ਅਲਬਰਟਾ ਦੀ ਸਥਿਤੀ ਇੱਕ ਮੁੱਖ ਮੰਜ਼ਿਲ ਵਜੋਂ ਮਜ਼ਬੂਤ ਹੋਈ।
ਇਸ ਤੋਂ ਬਾਅਦ 2024 ਦੀਆਂ ਪਹਿਲੀਆਂ ਤਿੰਨ ਤਿਮਾਹੀਆਂ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਅਲਬਰਟਾ ਦਾ ਸੈਰ-ਸਪਾਟਾ ਖੇਤਰ ਲਗਾਤਾਰ ਤੇਜ਼ੀ ਨਾਲ ਵਧ ਰਿਹਾ ਹੈ। ਜਨਵਰੀ ਤੋਂ ਸਤੰਬਰ 2024 ਤੱਕ, ਅਲਬਰਟਾ ਸੈਰ-ਸਪਾਟਾ ਮਾਲੀਆ ਸਾਲ-ਦਰ-ਸਾਲ 10 ਪ੍ਰਤੀਸ਼ਤ ਵਧਿਆ ਹੈ। ਅਲਬਰਟਾ ਸੈਰ-ਸਪਾਟਾ ਖੇਤਰ ਦੇ ਵਾਧੇ ਵਿੱਚ ਹਰ ਦੂਜੇ ਸੂਬੇ ਨੂੰ ਪਛਾੜ ਰਿਹਾ ਹੈ, ਉਸੇ ਸਮੇਂ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਅਲਬਰਟਾ ਰਾਸ਼ਟਰੀ ਔਸਤ ਨਾਲੋਂ ਤਿੰਨ ਗੁਣਾ ਵੱਧ ਦਰ ਨਾਲ ਅੱਗੇ ਵਧ ਰਿਹਾ ਹੈ। ਇਸ ਮੌਕੇ ਸੈਰ-ਸਪਾਟਾ ਅਤੇ ਖੇਡ ਮੰਤਰੀ ਜੋਸਫ਼ ਸ਼ੋ ਨੇ ਕਿਹਾ ਕਿ ਅਲਬਰਟਾ ਦੀ ਸੈਰ-ਸਪਾਟਾ ਆਰਥਿਕਤਾ ਵਧ ਰਹੀ ਹੈ। ਅਲਬਰਟਾ ਦੀ ਸਰਕਾਰ ਸੂਬੇ ਦੇ ਸੈਰ-ਸਪਾਟਾ ਉਦਯੋਗ ਦੀ ਸੰਭਾਵਨਾ ਨੂੰ ਖੋਲ੍ਹਣ ਲਈ ਕੰਮ ਕਰਨਾ ਜਾਰੀ ਰੱਖੇਗੀ ਅਤੇ ਸੂਬੇ ਭਰ ਦੇ ਸ਼ਾਨਦਾਰ ਸੈਰ-ਸਪਾਟਾ ਸੰਚਾਲਕ ਦੁਨੀਆ ਨੂੰ ਉਹ ਦਿਖਾਉਣਾ ਜਾਰੀ ਰੱਖਣਗੇ ਜੋ ਅਸੀਂ ਅਲਬਰਟਾ ਵਾਸੀ ਪਹਿਲਾਂ ਹੀ ਜਾਣਦੇ ਹਾਂ। ਜ਼ਿਕਰਯੋਗ ਹੈ ਅਲਬਰਟਾ ਦੀ ਲੰਬੇ ਸਮੇਂ ਦੀ ਸੂਬਾਈ ਸੈਰ-ਸਪਾਟਾ ਰਣਨੀਤੀ 2035 ਤੱਕ ਅਲਬਰਟਾ ਦੀ ਸੈਲਾਨੀ ਆਰਥਿਕਤਾ ਨੂੰ 10 ਬਿਲੀਅਨ ਡਾਲਰ ਸਾਲਾਨਾ ਸੈਲਾਨੀ ਖਰਚਿਆਂ ਤੋਂ ਵਧਾ ਕੇ 25 ਬਿਲੀਅਨ ਡਾਲਰ ਕਰਨ ਦਾ ਰਸਤਾ ਦਰਸਾਉਂਦੀ ਹੈ। 2023 ਅਤੇ 2024 ਦੀਆਂ ਪਹਿਲੀਆਂ ਤਿੰਨ ਤਿਮਾਹੀਆਂ ਤੱਕ ਅਲਬਰਟਾ ਦੇ ਸੈਰ-ਸਪਾਟਾ ਖੇਤਰ ਦਾ ਸ਼ਾਨਦਾਰ ਪ੍ਰਦਰਸ਼ਨ, ਬਜਟ 2025 ਦੇ ਇਸ ਖੇਤਰ ਵਿੱਚ ਨਿਰੰਤਰ ਨਿਵੇਸ਼ ਅਤੇ ਜ਼ਿੰਮੇਵਾਰ, ਟਿਕਾਊ ਸੈਰ-ਸਪਾਟਾ ਵਿਕਾਸ ਦੇ ਨਾਲ ਜੋ ਹਾਲ ਹੀ ਵਿੱਚ ਪਾਸ ਕੀਤੇ ਗਏ ਆਲ-ਸੀਜ਼ਨ ਰਿਜ਼ੋਰਟ ਐਕਟ ਦੇ ਕਾਰਨ ਹੋਵੇਗਾ, ਅਲਬਰਟਾ ਇਸ ਟੀਚੇ ਨੂੰ ਪ੍ਰਾਪਤ ਕਰਨ ਦੇ ਰਾਹ ’ਤੇ ਹੈ।  ਦੱਸ ਦਈਏ ਰਾਸ਼ਟਰੀ ਸੈਰ-ਸਪਾਟਾ ਹਫ਼ਤਾ 7-11 ਅਪ੍ਰੈਲ ਨੂੰ ਮਨਾਇਆ ਜਾਂਦਾ ਹੈ, ਜੋ ਕਿ ਸੂਬੇ ਭਰ ਵਿੱਚ ਟਿਕਾਊ ਆਰਥਿਕ ਵਿਕਾਸ ਅਤੇ ਨੌਕਰੀਆਂ ਨੂੰ ਸਮਰਥਨ ਦੇਣ ਵਿੱਚ ਅਲਬਰਟਾ ਭਾਈਚਾਰਿਆਂ ਲਈ ਸੈਰ-ਸਪਾਟੇ ਦੇ ਫਾਇਦਿਆਂ ਨੂੰ ਉਜਾਗਰ ਕਰਦਾ ਹੈ।