ਇਲੈਕਸ਼ਨਜ਼ ਕੈਨੇਡਾ ਨੇ ਕੈਲਗਰੀ ਪੋਸਟ-ਸੈਕੰਡਰੀ ਕੈਂਪਸਾਂ ਵਿੱਚ ਖੋਲ੍ਹੇ ਪੋਲਿੰਗ ਸਟੇਸ਼ਨ  

ਕੈਲਗਰੀ-ਫੈਡਰਲ ਚੋਣਾਂ ਤੇਜ਼ੀ ਨਾਲ ਨੇੜੇ ਆ ਰਹੀਆਂ ਹਨ ਜਿਸ ਦੇ ਮੱਦੇਨਜ਼ਰ ਕੈਲਗਰੀ ਯੂਨੀਵਰਸਿਟੀ ਦੇ ਵਿਦਿਆਰਥੀ ਅਤੇ ਸਟਾਫ਼ ਕੈਂਪਸ ਵਿੱਚ ਜਲਦੀ ਹੀ ਪੋਲਿੰਗ ਸਟੇਸ਼ਨਾਂ ’ਤੇ ਸਕੂਲਾਂ ਦਾ ਫਾਇਦਾ ਸਕਦੇ ਹਨ। ਜਾਣਕਾਰੀ ਮੁਤਾਬਕ ਇਲੈਕਸ਼ਨਜ਼ ਕੈਨੇਡਾ ਨੇ ਕੈਨੇਡਾ ਭਰ ਵਿੱਚ ਪੋਸਟ-ਸੈਕੰਡਰੀ ਕੈਂਪਸਾਂ ਵਿੱਚ 100 ਤੋਂ ਵੱਧ ਵੋਟਿੰਗ ਦਫ਼ਤਰ ਖੋਲ੍ਹੇ ਹਨ ਅਤੇ ਸਥਾਨਕ ਨਿਵਾਸੀ ਬੁੱਧਵਾਰ ਤੱਕ ਫੈਡਰਲ ਚੋਣਾਂ ਵਿੱਚ ਰਜਿਸਟਰ ਕਰਨ ਅਤੇ ਵੋਟ ਪਾਉਣ ਲਈ ਇਨ੍ਹਾਂ ਵਿੱਚੋਂ ਕਿਸੇ ਵੀ ਅਧਿਕਾਰੀ ਨੂੰ ਮਿਲ ਸਕਦੇ ਹਨ। ਇਸ ਮੌਕੇ ਇਲੈਕਸ਼ਨਜ਼ ਕੈਨੇਡਾ ਦੇ ਬੁਲਾਰੇ ਲੀਐਨ ਨਿਰਫਾ ਨੇ ਕਿਹਾ ਕਿ ਕੋਈ ਵੀ ਯੋਗ ਕੈਨੇਡੀਅਨ ਕੈਂਪਸ ਸਥਾਨਾਂ ’ਤੇ ਪਛਾਣ ਪੱਤਰ ਨਾਲ ਵੋਟ ਪਾ ਸਕਦਾ ਹੈ, ਉਨ੍ਹਾਂ ਨੂੰ ਵਿਦਿਆਰਥੀ ਹੋਣ ਦੀ ਜ਼ਰੂਰਤ ਨਹੀਂ ਹੈ। ਸਥਾਨਕ ਲੋਕਾਂ ਨੂੰ ਕੈਨੇਡਾ ਵਿੱਚ ਕਿਸੇ ਵੀ ਹਲਕੇ ਲਈ ਵੋਟ ਪਾਉਣ ਦੀ ਆਗਿਆ ਦਿੰਦੇ ਹਨ ਤਾਂ ਜੋ ਯੋਗ ਵੋਟਰ ਆਪਣੇ ਘਰੇਲੂ ਹਲਕੇ ਤੋਂ ਦੂਰ ਹੋਣ ’ਤੇ ਵੀ ਹਾਜ਼ਰ ਹੋ ਸਕਣ। “ਵਿਦਿਆਰਥੀਆਂ ਦੇ ਨਾਲ, ਉਹ ਉਸ ਹਲਕੇ ਵਿੱਚ ਵੋਟ ਪਾਉਣ ਦੀ ਚੋਣ ਕਰ ਸਕਦੇ ਹਨ ਜਿਸ ਵਿੱਚ ਉਹ ਆਮ ਤੌਰ ’ਤੇ ਰਹਿੰਦੇ ਹਨ, ਜਾਂ ਉਸ ਹਲਕੇ ਵਿੱਚ ਜਿੱਥੇ ਉਹ ਹੁਣ ਰਹਿ ਰਹੇ ਹਨ। ਕੋਈ ਵੀ ਜੋ ਕੈਂਪਸ ਵਿੱਚ ਹੈ, ਜਾਂ ਉਸ ਦਿਨ ਕੈਂਪਸ ਵਿੱਚ ਜਾ ਕੇ ਵੋਟ ਪਾਉਣਾ ਚਾਹੁੰਦਾ ਹੈ, ਉਹ ਅਜਿਹਾ ਕਰ ਸਕਦਾ ਹੈ।”ਜ਼ਿਕਰਯੋਗ ਹੈ ਕਿ ਕੈਂਪਸ ਵਿੱਚ ਵੋਟਿੰਗ ਹੁਣ ਬੋ ਵੈਲੀ ਕਾਲਜ, SAIT, ਮਾਊਂਟ ਰਾਇਲ ਯੂਨੀਵਰਸਿਟੀ ਅਤੇ ਕੈਲਗਰੀ ਯੂਨੀਵਰਸਿਟੀ ਵਿੱਚ ਹੋ ਰਹੀ ਹੈ।