ਕੈਨੇਡਾ ਪੋਸਟ ਦੀ ਸੰਭਾਵੀ ਹੜਤਾਲ ਕਾਰਨ ਛੋਟੇ ਕਾਰੋਬਾਰੀ ਚਿੰਤਤ

ਅਲਬਰਟਾ-ਕੈਨੇਡਾ ਪੋਸਟ ਦੇ ਕਰਮਚਾਰੀਆਂ ਵੱਲੋਂ ਹੜਤਾਲ ਕਰਨ ਦੇ ਸੱਦੇ ਤੋਂ ਬਾਅਦ ਛੋਟੇ ਕਾਰੋਬਾਰੀ ਚਿੰਤਤ ਦਿਖਾਈ ਦੇ ਰਹੇ ਹਨ ਕਿਉਂਕਿ ਹੜਤਾਲ ਦੀ ਆਖਰੀ ਮਿਤੀ ਨੇੜੇ ਆ ਰਹੀ ਹੈ। ਜਾਣਕਾਰੀ ਮੁਤਾਬਕ ਏਰਿਨ ਪ੍ਰਾਈਮਰੋਜ਼ ਵਿਕਲਪਿਕ ਡਿਲੀਵਰੀ ਸੇਵਾਵਾਂ ਦੀ ਵਰਤੋਂ ਕਰਕੇ ਲੈਥਬ੍ਰਿਜ ਵਿੱਚ ਥੈਲਮਾ ਅਤੇ ਥਿਸਟਲ ਤੋਂ ਸ਼ਿਪਮੈਂਟ ਭੇਜਣ ਲਈ ਬੇਚੈਨੀ ਨਾਲ ਤਿਆਰੀ ਕਰ ਰਹੀ ਹੈ। ਇਸ ਮੌਕੇ ਕਾਰੋਬਾਰੀਆਂ ਦਾ ਕਹਿਣਾ ਹੈ ਕਿ ਉਹ ਇਸ ਹੜਤਾਲ ਕਾਰਨ ਯਕੀਨੀ ਤੌਰ ’ਤੇ ਪ੍ਰੇਸ਼ਾਨ ਅਤੇ ਬੇਚੈਨ ਹਨ।  ਇਸ ਮੌਕੇ ਉਹਨਾਂ ਕਿਹਾ ਕਿ ਇਹ ਤਣਾਅਪੂਰਨ ਹੈ। ਅਸੀਂ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ ਕਿ ਅਸੀਂ ਆਪਣੇ ਗਾਹਕਾਂ ਲਈ ਸਹੀ ਚੋਣ ਕਰ ਰਹੇ ਹਾਂ। ਜ਼ਿਕਰਯੋਗ ਹੈ ਕੈਨੇਡੀਅਨ ਯੂਨੀਅਨ ਆਫ ਪੋਸਟਲ ਵਰਕਰਜ਼ ਦੇ ਲਗਭਗ 55,000 ਮੈਂਬਰ ਹੜਤਾਲ ’ਤੇ ਜਾਣ ਲਈ ਤਿਆਰ ਹਨ। ਇਹ ਇੱਕ ਸਾਲ ਦੇ ਅੰਦਰ ਦੂਜੀ ਡਾਕ ਹੜਤਾਲ ਹੋਵੇਗੀ।

ਨਵੰਬਰ ਵਿੱਚ ਹੋਈ ਹੜਤਾਲ ਵਿੱਚ ਕ੍ਰਿਸਮਸ ਤੋਂ ਠੀਕ ਪਹਿਲਾਂ ਤੱਕ ਕੰਮਕਾਜ ਬੰਦ ਰਿਹਾ।  ਇਸ ਮੌਕੇ ਪ੍ਰਾਈਮਰੋਜ਼ ਨੇ ਕਿਹਾ ਕਿ 2024 ਦੀ ਹੜਤਾਲ ਦੌਰਾਨ ਉਸਦੇ ਸਟੋਰ ਦੀ ਸ਼ਿਪਿੰਗ ਲਾਗਤ ਥੋੜ੍ਹੀ ਵਧ ਗਈ ਸੀ, ਕਿਉਂਕਿ ਇਹ ਵਿਕਲਪਕ ਕੈਰੀਅਰਾਂ ਵੱਲ ਬਦਲ ਗਿਆ ਸੀ। “ਇਹ ਨਿਰਾਸ਼ਾਜਨਕ ਸੀ ਅਤੇ ਨਵੇਂ ਸਿਸਟਮਾਂ ਨੂੰ ਸਿੱਖਣ ਲਈ ਬਹੁਤ ਸਮਾਂ ਲੱਗਦਾ ਸੀ ਉਹਨਾਂ ਉਮੀਦ ਜਤਾਈ ਹੈ ਕਿ ਇਸ ਵਾਰ ਹੜਤਾਲ ਦਾ ਪ੍ਰਬੰਧਨ ਕਰਨਾ ਆਸਾਨ ਹੋਵੇਗਾ। ਇਸ ਮੌਕੇ ਕੈਨੇਡੀਅਨ ਫੈਡਰੇਸ਼ਨ ਆਫ ਇੰਡੀਪੈਂਡੈਂਟ ਬਿਜ਼ਨਸ ਦੇ ਪ੍ਰਧਾਨ ਡੈਨ ਕੈਲੀ ਨੇ ਕਿਹਾ ਕਿ ਬਹੁਤ ਸਾਰੇ ਕਾਰੋਬਾਰੀ ਮਾਲਕ ਪਹਿਲਾਂ ਹੀ ਅਨਿਸ਼ਚਿਤ ਸਮੇਂ ਨਾਲ ਜੂਝ ਰਹੇ ਹਨ, ਇੱਕ ਹੋਰ ਸੰਭਾਵੀ ਲੇਬਰ ਵਿਘਨ ਬਾਰੇ ਤਣਾਅ ਵਿੱਚ ਹਨ।  ਇਸ ਤੋਂ ਬਿਨਾਂ ਯੂਨੀਅਨ ਨੇ ਆਪਣੀ ਵੈੱਬਸਾਈਟ ’ਤੇ ਕਿਹਾ ਹੈ ਕਿ ਡਾਕ ਸੇਵਾ ਵੱਲੋਂ ਚਾਰ ਸਾਲਾਂ ਵਿੱਚ 13 ਪ੍ਰਤੀਸ਼ਤ ਤਨਖਾਹ ਵਾਧੇ ਦੀ ਤਾਜ਼ਾ ਪੇਸ਼ਕਸ਼, ਕਰਮਚਾਰੀਆਂ ਦੁਆਰਾ ਜੀਵਨ ਦੀਆਂ ਵਧਦੀਆਂ ਲਾਗਤਾਂ ਨਾਲ ਤਾਲਮੇਲ ਰੱਖਣ ਲਈ ਮੰਗੇ ਗਏ 19 ਪ੍ਰਤੀਸ਼ਤ ਵਾਧੇ ਤੋਂ ਘੱਟ ਹੈ।  ਕੈਨੇਡਾ ਪੋਸਟ ਨੇ ਕਿਹਾ ਕਿ ਇਹ ਪਹਿਲਾਂ ਹੀ ਡਾਕ ਦੀ ਮਾਤਰਾ ਵਿੱਚ ਗਿਰਾਵਟ ਦੇਖ ਰਿਹਾ ਹੈ ਅਤੇ ਇੱਕ ਜ਼ਰੂਰੀ ਹੱਲ ਲਈ ਜ਼ੋਰ ਦੇ ਰਿਹਾ ਹੈ। ਇਸ ਦੌਰਾਨ ਡਾਕ ਸੇਵਾ ਦੇ ਬੁਲਾਰੇ ਲੀਸਾ ਲਿਊ ਨੇ ਕਿਹਾ। ਕਿ ਅਸੀਂ ਉਮੀਦ ਕਰਦੇ ਹਾਂ ਕਿ ਗੱਲਬਾਤ ਦੁਬਾਰਾ ਸ਼ੁਰੂ ਹੋ ਸਕਦੀ ਹੈ।”