ਕੈਲਗਰੀ ਨਗਰ ਕੌਂਸਲਰ ਡੈਨ ਮੈਕਲੀਨ ਯੂਸੀਪੀ ਟਿਕਟ ਲਈ ਦੌੜ ਵਿੱਚ

ਕੈਲਗਰੀ-ਕੈਲਗਰੀ ਦੇ ਵਾਰਡ 13 ਦੇ ਸਿਟੀ ਕੌਂਸਲਰ Dan McLean ਨੇ ਅਲਬਰਟਾ ਵਿਧਾਨ ਸਭਾ ਵਿੱਚ ਜਾਣ ਲਈ ਕਦਮ ਚੁੱਕਣ ਦਾ ਇਰਾਦਾ ਜਤਾਇਆ ਹੈ। ਉਨ੍ਹਾਂ ਨੇ ਸ਼ੁੱਕਰਵਾਰ ਸਵੇਰੇ ਜਾਰੀ ਬਿਆਨ ਵਿੱਚ ਕਿਹਾ ਕਿ ਉਹ United Conservative Party (ਯੂਸੀਪੀ) ਵੱਲੋਂ ਕੈਲਗਰੀ-ਸ਼ਾ ਹਲਕੇ ਲਈ ਨੋਮੀਨੇਸ਼ਨ ਲੈਣ ਦੀ ਕੋਸ਼ਿਸ਼ ਕਰਨਗੇ।ਇਸ ਹਲਕੇ ਦੀ ਮੌਜੂਦਾ ਵਿਧਾਇਕਾ Rebecca Schulz ਪਹਿਲਾਂ ਹੀ ਐਲਾਨ ਕਰ ਚੁੱਕੀ ਹੈ ਕਿ ਉਹ ਇਸ ਮਹੀਨੇ ਅਹੁਦਾ ਛੱਡ ਰਹੀ ਹੈ, ਜਿਸ ਨਾਲ ਸੀਟ ਖਾਲੀ ਹੋਣ ਜਾ ਰਹੀ ਹੈ।

ਮੈਕਲੀਨ ਨੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਉਹ ਕੈਲਗਰੀ-ਸ਼ਾ ਦੇ ਵਸਨੀਕਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹੇ ਹਨ ਅਤੇ ਲੋਕਾਂ ਵੱਲੋਂ ਉਨ੍ਹਾਂ ਨੂੰ ਅੱਗੇ ਆਉਣ ਲਈ ਉਤਸ਼ਾਹ ਮਿਲਿਆ ਹੈ। ਉਨ੍ਹਾਂ ਕਿਹਾ, “ਨਿਵਾਸੀ ਮਜ਼ਬੂਤ ਅਤੇ ਸਿਧਾਂਤਕ ਨੇਤ੍ਰਿਤਵ ਦੀ ਲਗਾਤਾਰਤਾ ਚਾਹੁੰਦੇ ਹਨ, ਜੋ ਰੇਬੇਕਾ ਨੇ ਦਰਸਾਇਆ ਹੈ, ਅਤੇ ਮੈਂ ਇਸ ਕੰਮ ਨੂੰ ਅੱਗੇ ਵਧਾਉਣ ਲਈ ਸਨਮਾਨਿਤ ਮਹਿਸੂਸ ਕਰਾਂਗਾ।”

ਹਾਲਾਂਕਿ, ਉਨ੍ਹਾਂ ਦੇ ਇਸ ਫੈਸਲੇ ਨੂੰ ਲੈ ਕੇ ਕੁਝ ਵਿਰੋਧ ਵੀ ਸਾਹਮਣੇ ਆਇਆ ਹੈ। Progressive Group for Independent Business ਨੇ ਮੈਕਲੀਨ ਨੂੰ ਆਪਣਾ ਪੂਰਾ ਮਿਊਂਸਪਲ ਟਰਮ ਪੂਰਾ ਕਰਨ ਦੀ ਅਪੀਲ ਕੀਤੀ ਹੈ। ਸੰਗਠਨ ਦਾ ਕਹਿਣਾ ਹੈ ਕਿ ਜੇ ਉਹ ਅਹੁਦਾ ਛੱਡਦੇ ਹਨ ਤਾਂ ਬਾਈ-ਇਲੈਕਸ਼ਨ ਦਾ ਵਾਧੂ ਖਰਚਾ ਟੈਕਸਦਾਤਾਵਾਂ ‘ਤੇ ਪਵੇਗਾ ਅਤੇ ਵੋਟਰਾਂ ਨੂੰ ਪਹਿਲਾਂ ਇਸ ਯੋਜਨਾ ਬਾਰੇ ਪਤਾ ਨਹੀਂ ਸੀ।ਜ਼ਿਕਰਯੋਗ ਹੈ ਕਿ ਮੈਕਲੀਨ ਕਰੀਬ ਪੰਜ ਸਾਲਾਂ ਤੋਂ ਕੌਂਸਲਰ ਹਨ। ਉਹ ਪਹਿਲੀ ਵਾਰ 2021 ਵਿੱਚ ਚੁਣੇ ਗਏ ਸਨ ਅਤੇ 2025 ਦੀ ਮਿਊਂਸਪਲ ਚੋਣ ਵਿੱਚ ਦੂਜੀ ਵਾਰ ਜਿੱਤ ਦਰਜ ਕੀਤੀ ਸੀ।