ਕੈਲੋਨਾ ਵਿੱਚ ਪਹਿਲਾ ਇਨਡੋਰ ਪਿਕਲਬਾਲ ਕਲੱਬ 20 ਦਸੰਬਰ ਨੂੰ ਖੁੱਲ੍ਹੇਗਾ
Kelowna’s first indoor pickleball club, Pickle & Paddle, is scheduled to open on December 20, 2026, near Kelowna International Airport.
ਕੈਲੋਨਾ-ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਸ਼ਹਿਰ ਕੈਲੋਨਾ ਵਿੱਚ ਪਹਿਲਾ ਇਨਡੋਰ ਪਿਕਲਬਾਲ ਕਲੱਬ ਦਸੰਬਰ ਵਿੱਚ ਖੁੱਲ੍ਹਣ ਜਾ ਰਿਹਾ ਹੈ। ‘ਪਿਕਲ ਐਂਡ ਪੈਡਲ’ ਨਾਮ ਦਾ ਇਹ ਕਲੱਬ 20 ਦਸੰਬਰ, 2026 ਨੂੰ ਲੋਕਾਂ ਲਈ ਖੋਲ੍ਹਿਆ ਜਾਵੇਗਾ। ਇਹ ਕਲੱਬ ਕੈਲੋਨਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇੜੇ ਮੈਟ੍ਰਿਕਸ ਕ੍ਰੈਸੈਂਟ ਵਿਖੇ ਸਥਿਤ ਹੋਵੇਗਾ।
ਇਸ ਕਲੱਬ ਵਿੱਚ ਪਿਕਲਬਾਲ ਖੇਡਣ ਲਈ 10 ਕੋਰਟਾਂ ਦੇ ਨਾਲ ਪੂਰੀਆਂ ਸਹੂਲਤਾਂ ਵਾਲਾ ਲਾਊਂਜ ਅਤੇ ਬਿਸਟਰੋ ਵੀ ਹੋਵੇਗਾ। ਇਸ ਦਾ ਮਕਸਦ ਖੇਡਾਂ ਦੇ ਨਾਲ-ਨਾਲ ਲੋਕਾਂ ਨੂੰ ਮਿਲਣ-ਜੁਲਣ ਅਤੇ ਸਮਾਜਿਕ ਸਾਂਝ ਵਧਾਉਣ ਲਈ ਇੱਕ ਸਾਂਝਾ ਮੰਚ ਮੁਹੱਈਆ ਕਰਵਾਉਣਾ ਹੈ।
ਕਲੱਬ ਦੇ ਚਾਰ ਮਾਲਕਾਂ ਵਿੱਚੋਂ ਇੱਕ ਅਤੇ ਜਨਰਲ ਮੈਨੇਜਰ ਵਾਰਨ ਮੁਲਿਨਜ਼ ਨੇ ਕਿਹਾ ਕਿ ਪਿਕਲਬਾਲ ਸਿਰਫ਼ ਅੰਕ ਹਾਸਲ ਕਰਨ ਦੀ ਖੇਡ ਨਹੀਂ, ਸਗੋਂ ਨਵੇਂ ਲੋਕਾਂ ਨੂੰ ਮਿਲਣ, ਹਾਸੇ-ਮਜ਼ਾਕ ਕਰਨ, ਨਵੀਆਂ ਚੀਜ਼ਾਂ ਸਿੱਖਣ ਅਤੇ ਦੋਸਤੀ ਬਣਾਉਣ ਦਾ ਵੀ ਵਧੀਆ ਸਾਧਨ ਹੈ। ਉਨ੍ਹਾਂ ਦੀ ਇੱਛਾ ਹੈ ਕਿ ਲੋਕ ਇੱਥੇ ਸਿਰਫ਼ ਖੇਡਣ ਹੀ ਨਹੀਂ, ਸਗੋਂ ਇੱਕ-ਦੂਜੇ ਨਾਲ ਜੁੜਨ ਲਈ ਵੀ ਆਉਣ।
ਕੈਨੇਡਾ ਵਿੱਚ ਪਿਕਲਬਾਲ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੀਆਂ ਖੇਡਾਂ ਵਿੱਚੋਂ ਇੱਕ ਹੈ। ਨਵਾਂ ਕਲੱਬ ਖ਼ਾਸ ਤੌਰ ’ਤੇ ਕੇਂਦਰੀ ਓਕਾਨਾਗਨ ਖੇਤਰ ਦੇ ਖਿਡਾਰੀਆਂ ਨੂੰ ਸਾਲ ਭਰ ਇਨਡੋਰ ਖੇਡਣ ਦੀ ਸਹੂਲਤ ਦੇਵੇਗਾ। ਸਰਦੀਆਂ ਦੌਰਾਨ ਇਹ ਸਹੂਲਤ ਖਿਡਾਰੀਆਂ ਲਈ ਵਿਸ਼ੇਸ਼ ਤੌਰ ’ਤੇ ਲਾਹੇਵੰਦ ਹੋਵੇਗੀ।
ਕਲੱਬ ਦੀ ਮੈਂਬਰਸ਼ਿਪ 19 ਨਵੰਬਰ ਤੋਂ ਵਿਕਰੀ ਲਈ ਉਪਲਬਧ ਹੋਵੇਗੀ। ਚਾਹਵਾਨ ਲੋਕਾਂ ਨੂੰ ਮੈਂਬਰਸ਼ਿਪ ਦੀਆਂ ਕੀਮਤਾਂ, ਹੋਰ ਵੇਰਵਿਆਂ ਅਤੇ ਉਦਘਾਟਨੀ ਸਮਾਗਮਾਂ ਬਾਰੇ ਪਹਿਲਾਂ ਜਾਣਕਾਰੀ ਪ੍ਰਾਪਤ ਕਰਨ ਲਈ ਕਲੱਬ ਦੀ ਈਮੇਲ ਸੂਚੀ ਵਿੱਚ ਸ਼ਾਮਲ ਹੋਣ ਦੀ ਸਲਾਹ ਦਿੱਤੀ ਗਈ ਹੈ।
