ਫੋਰਡ ਵੱਲੋਂ ਕੈਨੇਡਾ ‘ਚੋਂ 31 ਹਜ਼ਾਰ ਤੋਂ ਵੱਧ ਵਾਹਨ ਵਾਪਸ ਮੰਗਵਾਏ

ਓਟਵਾ-Ford Motor Company (ਫੋਰਡ ਮੋਟਰ ਕੰਪਨੀ) ਵੱਲੋਂ ਕੈਨੇਡਾ ਭਰ ‘ਚੋਂ 31,000 ਤੋਂ ਵੱਧ ਵਾਹਨਾਂ ਨੂੰ ਵਾਪਸ ਮੰਗਵਾਉਣ ਦਾ ਐਲਾਨ ਕੀਤਾ ਗਿਆ ਹੈ। ਇਹ ਕਦਮ ਵਿੰਡਸ਼ੀਲਡ ਵਾਈਪਰ ਆਰਮ ਵਿੱਚ ਪਾਈ ਗਈ ਤਕਨੀਕੀ ਖਾਮੀ ਦੇ ਚਲਦਿਆਂ ਚੁੱਕਿਆ ਗਿਆ ਹੈ।

ਕੰਪਨੀ ਦੇ ਅਨੁਸਾਰ, ਇਸ ਰਿਕਾਲ ‘ਚ Ford Expedition (ਫੋਰਡ ਐਕਸਪੀਡੀਸ਼ਨ) ਅਤੇ Lincoln Navigator (ਲਿੰਕਨ ਨੇਵੀਗੇਟਰ) ਦੇ 2021 ਤੋਂ 2023 ਮਾਡਲਾਂ ਦੇ ਨਾਲ ਕੁਝ ਸੁਪਰ ਡਿਊਟੀ ਟਰੱਕ ਵੀ ਸ਼ਾਮਲ ਹਨ।

ਜਾਂਚ ਦੌਰਾਨ ਸਾਹਮਣੇ ਆਇਆ ਹੈ ਕਿ ਵਾਈਪਰ ਆਰਮ ਠੀਕ ਤਰੀਕੇ ਨਾਲ ਫਿਟ ਨਾ ਹੋਣ ਕਾਰਨ ਉਹ ਢਿੱਲੇ ਹੋ ਸਕਦੇ ਹਨ ਜਾਂ ਕੰਮ ਕਰਨਾ ਬੰਦ ਕਰ ਸਕਦੇ ਹਨ। ਇਸ ਨਾਲ ਮੀਂਹ ਜਾਂ ਬਰਫ਼ ਦੌਰਾਨ ਡਰਾਈਵਰ ਦੀ ਨਜ਼ਰ ਘੱਟ ਹੋ ਸਕਦੀ ਹੈ, ਜਿਸ ਨਾਲ ਹਾਦਸਿਆਂ ਦਾ ਖ਼ਤਰਾ ਵੱਧ ਸਕਦਾ ਹੈ।

ਹਾਲਾਂਕਿ, ਕੰਪਨੀ ਨੇ ਦੱਸਿਆ ਹੈ ਕਿ ਇਸ ਖਾਮੀ ਨਾਲ ਸੰਬੰਧਿਤ ਹੁਣ ਤੱਕ ਕਿਸੇ ਵੀ ਹਾਦਸੇ ਦੀ ਰਿਪੋਰਟ ਸਾਹਮਣੇ ਨਹੀਂ ਆਈ। ਪ੍ਰਭਾਵਿਤ ਵਾਹਨਾਂ ਦੇ ਮਾਲਕਾਂ ਨੂੰ ਜਲਦੀ ਸੂਚਿਤ ਕੀਤਾ ਜਾਵੇਗਾ ਅਤੇ ਅਧਿਕ੍ਰਿਤ ਡੀਲਰਾਂ ਵੱਲੋਂ ਮੁਫ਼ਤ ਮੁਰੰਮਤ ਕੀਤੀ ਜਾਵੇਗੀ। ਕੰਪਨੀ ਨੇ ਗਾਹਕਾਂ ਨੂੰ ਅਪੀਲ ਕੀਤੀ ਹੈ ਕਿ ਸੂਚਨਾ ਮਿਲਣ ‘ਤੇ ਤੁਰੰਤ ਆਪਣੇ ਵਾਹਨ ਦੀ ਜਾਂਚ ਕਰਵਾਉਣ।