ਕੈਲਗਰੀ ਕੌਂਸਲਰ ਵੱਲੋਂ ਬੰਦ ਦਰਵਾਜ਼ਿਆਂ ਪਿੱਛੇ ਹੋਣ ਵਾਲੀਆਂ ਮੀਟਿੰਗਾਂ ਦੀ ਸੂਬਾਈ ਜਾਂਚ ਦੀ ਮੰਗ

ਕੈਲਗਰੀ-ਗੁਪਤ ਬਜਟ ਦਸਤਾਵੇਜ਼ ਲੀਕ ਕਰਨ ਦੀ ਜ਼ਿੰਮੇਵਾਰੀ ਸਵੀਕਾਰ ਕਰਨ ਵਾਲੇ ਕੈਲਗਰੀ ਵਾਰਡ 14 ਦੇ ਕੌਂਸਲਰ ਲੈਂਡਨ ਜੌਨਸਟਨ ਨੇ ਹੁਣ ਸਿਟੀ ਕੌਂਸਲ ਦੀਆਂ ਬੰਦ ਦਰਵਾਜ਼ਿਆਂ ਪਿੱਛੇ ਹੋਣ ਵਾਲੀਆਂ ਮੀਟਿੰਗਾਂ ਦੀ ਸੂਬਾਈ ਜਾਂਚ ਦੀ ਮੰਗ ਕੀਤੀ ਹੈ।ਜੌਨਸਟਨ ਨੇ ਅਲਬਰਟਾ ਦੇ ਮਿਊਂਸਿਪਲ ਅਫੇਅਰਜ਼ ਮੰਤਰੀ ਨੂੰ ਪੱਤਰ ਲਿਖ ਕੇ 2017 ਤੋਂ ਹੁਣ ਤੱਕ ਹੋਈਆਂ ਗੁਪਤ ਮੀਟਿੰਗਾਂ ਦੀ ਸਮੀਖਿਆ ਕਰਨ ਅਤੇ ਗੁਪਤਤਾ ਨਿਯਮਾਂ ਨੂੰ ਹੋਰ ਸਪੱਸ਼ਟ ਬਣਾਉਣ ਦੀ ਮੰਗ ਕੀਤੀ ਹੈ।

ਲੀਕ ਹੋਏ ਮੁੱਢਲੇ ਬਜਟ ਦਸਤਾਵੇਜ਼ਾਂ ਵਿੱਚ ਲਗਭਗ 510 ਮਿਲੀਅਨ ਡਾਲਰ ਦੀਆਂ ਫੰਡਿੰਗ ਮੰਗਾਂ ਨੂੰ ਪੂਰਾ ਕਰਨ ਲਈ ਜਾਇਦਾਦ ਟੈਕਸ ਵਿੱਚ 20 ਫੀਸਦੀ ਤੱਕ ਵਾਧੇ ਦੀ ਸੰਭਾਵਨਾ ਦਰਸਾਈ ਗਈ ਸੀ।ਕੈਲਗਰੀ ਦੇ ਮੇਅਰ ਜੇਰੋਮੀ ਫਾਰਕਸ ਨੇ ਵੀ ਸਪੱਸ਼ਟ ਅਤੇ ਸਮੇਂ-ਸੀਮਤ ਗੁਪਤਤਾ ਨਿਯਮਾਂ ਦੀ ਹਿਮਾਇਤ ਕੀਤੀ ਹੈ। ਮਿਊਂਸਿਪਲ ਅਫੇਅਰਜ਼ ਮੰਤਰੀ ਡੈਨ ਵਿਲੀਅਮਜ਼ ਨੇ ਕਿਹਾ ਹੈ ਕਿ ਦੋਵੇਂ ਪੱਤਰਾਂ ਦੀ ਸਮੀਖਿਆ ਤੋਂ ਬਾਅਦ ਅਗਲੀ ਕਾਰਵਾਈ ਬਾਰੇ ਫੈਸਲਾ ਕੀਤਾ ਜਾਵੇਗਾ।