ਯੋਗ ਕੈਨੇਡੀਅਨਾਂ ਨੂੰ ਮਿਲਣਗੇ ਇਸ ਮਹੀਨੇ ਵੱਖ ਵੱਖ ਤਰ੍ਹਾਂ ਦੇ ਲਾਭ

ਓਟਵਾ-ਯੋਗ ਕੈਨੇਡੀਅਨਾਂ ਨੂੰ ਇਸ ਮਹੀਨੇ ਕਈ ਤਰ੍ਹਾਂ ਦੇ ਲਾਭ ਮਿਲਣ ਦੀ ਸੰਭਾਵਨਾ ਜਾਪਦੀ ਨਜ਼ਰ ਆ ਰਹੀ ਹੈ। ਦਰਅਸਲ ਫੈਡਰਲ ਸਰਕਾਰ ਜੀਵਨ ਦੇ ਹਰ ਖੇਤਰ ਦੇ ਕੈਨੇਡੀਅਨਾਂ ਨੂੰ ਰਹਿਣ-ਸਹਿਣ ਦੇ ਖਰਚੇ ਵਿੱਚ ਮਦਦ ਕਰਨ ਲਈ ਵੱਖ-ਵੱਖ ਲਾਭ ਭੁਗਤਾਨਾਂ ਦੀ ਪੇਸ਼ਕਸ਼ ਕਰ ਰਹੀ ਹੈ। ਸਰਕਾਰ ਦੀ ਵੈੱਬਸਾਈਟ ਅਨੁਸਾਰ 19 ਸਤੰਬਰ ਨੂੰ ਕੈਨੇਡਾ ਰੈਵੇਨਿਊ ਏਜੰਸੀ ਕੈਨੇਡਾ ਚਾਈਲਡ ਬੈਨੀਫਿਟ ਭੁਗਤਾਨ ਕਰੇਗੀ। ਇਹ ਭੁਗਤਾਨ ਉਹਨਾਂ ਲੋਕਾਂ ਨੂੰ ਮਿਲੇਗਾ ਜਿਨ੍ਹਾਂ ਲੋਕਾਂ ਦੀ ਸਾਲ ਲਈ ਕੁੱਲ ਲਾਭ ਰਕਮ 240 ਡਾਲਰ ਤੋਂ ਘੱਟ ਹੈ। ਜੇਕਰ ਕੈਨੇਡੀਅਨਾਂ ਦੀ ਐਡਜਸਟਡ ਪਰਿਵਾਰਕ ਸ਼ੁੱਧ ਆਮਦਨ 37,487 ਡਾਲਰ ਤੋਂ ਘੱਟ ਹੈ ਤਾਂ ਉਹ ਹਰੇਕ ਬੱਚੇ ਲਈ ਵੱਧ ਤੋਂ ਵੱਧ ਕੈਨੇਡਾ ਚਾਈਲਡ ਬੈਨੀਫਿਟ ਪ੍ਰਾਪਤ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਯੋਗ ਕੈਨੇਡੀਅਨਾਂ ਨੂੰ 18 ਸਤੰਬਰ ਨੂੰ ਸਿੱਧੀ ਜਮ੍ਹਾਂ ਰਕਮ ਜਾਂ ਚੈੱਕ ਰਾਹੀਂ ਕੈਨੇਡਾ ਅਪੰਗਤਾ ਲਾਭ ਪ੍ਰਾਪਤ ਹੋਵੇਗਾ।  ਇਸ ਦੇ ਨਾਲ ਹੀ ਵੈਟਰਨ ਡਿਸਏਬਿਲਟੀ ਪੈਨਸ਼ਨ ਲਈ ਅਗਲੀ ਭੁਗਤਾਨ ਮਿਤੀ 26 ਸਤੰਬਰ ਹੈ।  ਗੌਰਤਲਬ ਹੈ ਅਗਲਾ ਕੈਨੇਡਾ ਪੈਨਸ਼ਨ ਯੋਜਨਾ (ਸੀਪੀਪੀ) ਭੁਗਤਾਨ 25 ਸਤੰਬਰ ਹੈ। ਜੋ ਲੋਕ ਇਸ ਟੈਕਸਯੋਗ ਲਾਭ ਲਈ ਯੋਗ ਹਨ, ਉਨ੍ਹਾਂ ਨੂੰ ਆਪਣੀ ਬਾਕੀ ਦੀ ਜ਼ਿੰਦਗੀ ਲਈ ਹਰ ਮਹੀਨੇ ਇਹ ਪ੍ਰਾਪਤ ਹੁੰਦਾ ਹੈ।