ਕੈਲਗਰੀ ਸਿਟੀ ਕੌਂਸਲ ਨੇ ‘ਇਕਜੁੱਟ ਕੈਨੇਡਾ’ ਦੇ ਹੱਕ ਵਿੱਚ ਮਤਾ ਕੀਤਾ ਪਾਸ
Calgary City Council has approved a motion affirming Calgary’s place as an important part of Alberta and Canada. The motion comes ahead of Alberta’s October 19 referendum, which includes a question on whether the province should remain in Canada or begin the legal process toward a future binding separation referendum
ਕੈਲਗਰੀ-ਕੈਲਗਰੀ ਸਿਟੀ ਕੌਂਸਲ ਨੇ ਮੇਅਰ ਜੇਰੋਮੀ ਫਾਰਕਸ ਵੱਲੋਂ ਪੇਸ਼ ਕੀਤੇ ਉਸ ਮਤੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਵਿੱਚ ਕੈਲਗਰੀ ਨੂੰ ਅਲਬਰਟਾ ਅਤੇ ਕੈਨੇਡਾ ਦਾ ਮਹੱਤਵਪੂਰਨ ਹਿੱਸਾ ਦੱਸਦਿਆਂ ਇਕਜੁੱਟ ਕੈਨੇਡਾ ਨਾਲ ਆਪਣੀ ਸਾਂਝ ਨੂੰ ਦਰਸਾਇਆ ਗਿਆ ਹੈ। ਇਹ ਮਤਾ 22 ਸਤੰਬਰ ਨੂੰ ਕੌਂਸਲ ਦੀ ਮੀਟਿੰਗ ਦੌਰਾਨ ਪੇਸ਼ ਕੀਤਾ ਗਿਆ ਸੀ।ਮੇਅਰ ਫਾਰਕਸ ਅਤੇ ਵਾਰਡ-3 ਦੇ ਕੌਂਸਲਰ ਐਂਡਰਿਊ ਯੂਲ ਵੱਲੋਂ ਸਾਂਝੇ ਤੌਰ ’ਤੇ ਲਿਆਂਦੇ ਗਏ ਇਸ ਮਤੇ ਵਿੱਚ ਅਲਬਰਟਾ ਦੇ ਕੈਨੇਡਾ ਤੋਂ ਵੱਖ ਹੋਣ ਦੀ ਚਰਚਾ ਦੇ ਸੰਭਾਵਿਤ ਆਰਥਿਕ ਪ੍ਰਭਾਵਾਂ ਦਾ ਹਵਾਲਾ ਦਿੱਤਾ ਗਿਆ। ਮਤਾ ਬਿਨਾਂ ਬਹਿਸ ਦੇ ਪਾਸ ਹੋ ਗਿਆ।
ਫਾਰਕਸ ਨੇ ਕਿਹਾ ਕਿ ਅਲਬਰਟਾ ਦੀ ਵੱਖਰੇ ਦੇਸ਼ ਵਜੋਂ ਸਥਾਪਨਾ ਸਬੰਧੀ ਚਰਚਾ ਦਾ ਕੈਲਗਰੀ ’ਤੇ ਆਰਥਿਕ ਪ੍ਰਭਾਵ ਪੈ ਸਕਦਾ ਹੈ। ਉਨ੍ਹਾਂ ਕਾਰੋਬਾਰਾਂ, ਨਿਵੇਸ਼ ਅਤੇ ਨਵੇਂ ਪ੍ਰਵਾਸੀ ਭਾਈਚਾਰਿਆਂ ਨਾਲ ਜੁੜੀਆਂ ਚਿੰਤਾਵਾਂ ਦਾ ਵੀ ਜ਼ਿਕਰ ਕੀਤਾ।ਮਤੇ ਦਾ ਵਿਰੋਧ ਵੀ ਹੋਇਆ। ਵਾਰਡ-12 ਦੇ ਕੌਂਸਲਰ ਮਾਈਕ ਜੈਮੀਸਨ ਨੇ ਇਸ ਦੇ ਖ਼ਿਲਾਫ਼ ਵੋਟ ਪਾਈ। ਉਨ੍ਹਾਂ ਦੀ ਪਿਛਲੀ ਚੋਣ ਮੁਹਿੰਮ ਨਾਲ ਜੁੜੀ ਏਬੀਸੀ ਪਾਰਟੀ ਨੇ ਕਿਹਾ ਕਿ ਸਿਟੀ ਕੌਂਸਲ ਨੂੰ ਕਿਫਾਇਤ, ਕਾਰੋਬਾਰੀ ਖਰਚਿਆਂ, ਬੁਨਿਆਦੀ ਢਾਂਚੇ ਅਤੇ ਜ਼ਰੂਰੀ ਸੇਵਾਵਾਂ ਵਰਗੇ ਸਥਾਨਕ ਮੁੱਦਿਆਂ ’ਤੇ ਧਿਆਨ ਦੇਣਾ ਚਾਹੀਦਾ ਹੈ।ਵਾਰਡ-14 ਦੇ ਕੌਂਸਲਰ ਲੈਂਡਨ ਜੌਹਨਸਟਨ, ਜਿਨ੍ਹਾਂ ਨੇ ਮਤੇ ਦੇ ਹੱਕ ਵਿੱਚ ਵੋਟ ਪਾਈ, ਨੇ ਕਿਹਾ ਕਿ ਕੌਂਸਲ ਨੂੰ ਇਸ ਸਮੇਂ ਸ਼ਹਿਰ ਦੇ ਬਜਟ ਅਤੇ ਸਥਾਨਕ ਬੁਨਿਆਦੀ ਢਾਂਚੇ ਵਰਗੇ ਮੁੱਦਿਆਂ ’ਤੇ ਧਿਆਨ ਦੇਣਾ ਚਾਹੀਦਾ ਹੈ।
ਇਸ ਮੁੱਦੇ ਦਾ ਸਬੰਧ ਅਲਬਰਟਾ ਵਿੱਚ 19 ਅਕਤੂਬਰ 2026 ਨੂੰ ਹੋਣ ਵਾਲੇ ਸੂਬਾਈ ਰੈਫਰੈਂਡਮ ਨਾਲ ਹੈ। ਚੋਣ ਅਲਬਰਟਾ ਮੁਤਾਬਕ ਬੈਲਟ ’ਤੇ ਇੱਕ ਸਵਾਲ ਇਹ ਹੈ ਕਿ ਅਲਬਰਟਾ ਕੈਨੇਡਾ ਦਾ ਸੂਬਾ ਬਣਿਆ ਰਹੇ ਜਾਂ ਸਰਕਾਰ ਸੰਵਿਧਾਨ ਤਹਿਤ ਅਲਬਰਟਾ ਦੀ ਵੱਖ ਹੋਣ ਬਾਰੇ ਭਵਿੱਖ ਵਿੱਚ ਬਾਈਂਡਿੰਗ ਰੈਫਰੈਂਡਮ ਕਰਵਾਉਣ ਲਈ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਕਰੇ।ਯੂਨੀਵਰਸਿਟੀ ਆਫ ਕੈਲਗਰੀ ਦੇ ਸਕੂਲ ਆਫ ਪਬਲਿਕ ਪਾਲਿਸੀ ਦੀ ਹਾਲੀਆ ਸਮੀਖਿਆ ਵਿੱਚ ਅਲਬਰਟਾ ਦੇ ਵੱਖ ਹੋਣ ਦੀ ਸਥਿਤੀ ਵਿੱਚ ਨਵੇਂ ਦੇਸ਼ ਦੀ ਸਥਾਪਨਾ ਦੀ ਲਾਗਤ ਪਹਿਲੇ ਪੰਜ ਸਾਲਾਂ ਵਿੱਚ 50 ਤੋਂ 170 ਅਰਬ ਡਾਲਰ ਤੱਕ ਹੋਣ ਦਾ ਅੰਦਾਜ਼ਾ ਲਾਇਆ ਗਿਆ ਸੀ। ਇਹ ਅੰਕੜਾ ਕੌਂਸਲ ਦੀ ਚਰਚਾ ਵਿੱਚ ਵੀ ਉਠਾਇਆ ਗਿਆ।
