ਮੀਂਹ ਪ੍ਰਭਾਵਿਤ ਮੈਚ ਵਿੱਚ ਵਿਰਾਟ ਕੋਹਲੀ ਦੀ ਸ਼ਾਨਦਾਰ ਪਾਰੀ, ਭਾਰਤ ਨੇ ਨਿਊਜ਼ੀਲੈਂਡ ਨੂੰ 5 ਵਿਕਟਾਂ ਨਾਲ ਹਰਾਇਆ
Virat Kohli scored a brilliant 74 off 51 balls as India defeated New Zealand by five wickets in a rain-affected first ODI in Auckland. Kohli's 80th ODI half-century helped India chase the revised target of 143 runs in 32 overs
ਆਕਲੈਂਡ-ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਨਿਊਜ਼ੀਲੈਂਡ ਖ਼ਿਲਾਫ਼ ਪਹਿਲੇ ਇਕ ਰੋਜ਼ਾ ਮੈਚ ਵਿੱਚ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ 51 ਗੇਂਦਾਂ ਵਿੱਚ 74 ਦੌੜਾਂ ਬਣਾਈਆਂ। ਮੀਂਹ ਕਾਰਨ ਪ੍ਰਭਾਵਿਤ ਇਸ ਮੁਕਾਬਲੇ ਵਿੱਚ ਭਾਰਤ ਨੇ ਸੋਧੇ ਹੋਏ 143 ਦੌੜਾਂ ਦੇ ਟੀਚੇ ਨੂੰ ਪੰਜ ਵਿਕਟਾਂ ਬਾਕੀ ਰਹਿੰਦਿਆਂ ਹਾਸਲ ਕਰ ਲਿਆ।
ਮੈਚ ਦੌਰਾਨ ਦੋ ਵਾਰ ਮੀਂਹ ਪਿਆ। ਦੂਜੀ ਵਾਰ ਮੀਂਹ ਆਉਣ ਸਮੇਂ ਭਾਰਤ ਨੇ 12 ਓਵਰਾਂ ਵਿੱਚ ਇੱਕ ਵਿਕਟ ਦੇ ਨੁਕਸਾਨ ’ਤੇ 64 ਦੌੜਾਂ ਬਣਾ ਲਈਆਂ ਸਨ। ਇਸ ਤੋਂ ਬਾਅਦ ਟੀਚਾ 32 ਓਵਰਾਂ ਵਿੱਚ 143 ਦੌੜਾਂ ਕਰ ਦਿੱਤਾ ਗਿਆ। ਕੋਹਲੀ ਨੇ ਮੁਸ਼ਕਲ ਪਿੱਚ ਅਤੇ ਮੀਂਹ ਤੋਂ ਬਾਅਦ ਵਧੀ ਤੇਜ਼ੀ ਵਾਲੀ ਗੇਂਦਬਾਜ਼ੀ ਦਾ ਡਟ ਕੇ ਸਾਹਮਣਾ ਕੀਤਾ।
ਕੋਹਲੀ ਦੀ ਪਾਰੀ ਵਿੱਚ ਪੁੱਲ ਸ਼ਾਟ ਖ਼ਾਸ ਖਿੱਚ ਦਾ ਕੇਂਦਰ ਰਹੇ। ਉਨ੍ਹਾਂ ਨੇ ਤੇਜ਼ ਗੇਂਦਬਾਜ਼ ਬਲੇਅਰ ਟਿਕਨਰ ਦੀਆਂ ਛੋਟੀਆਂ ਗੇਂਦਾਂ ’ਤੇ ਸ਼ਾਨਦਾਰ ਸ਼ਾਟ ਲਗਾਏ। ਕੋਹਲੀ ਨੇ ਸਿਰਫ਼ 35 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ, ਜੋ ਉਨ੍ਹਾਂ ਦਾ ਇਕ ਰੋਜ਼ਾ ਕ੍ਰਿਕਟ ਵਿੱਚ 80ਵਾਂ ਅਰਧ ਸੈਂਕੜਾ ਸੀ।
ਭਾਰਤ ਵੱਲੋਂ ਰੋਹਿਤ ਸ਼ਰਮਾ ਪਹਿਲਾਂ ਹੀ ਆਊਟ ਹੋ ਗਏ ਸਨ। ਬਾਅਦ ਵਿੱਚ ਸ਼ੁਭਮਨ ਗਿੱਲ ਨੇ 37 ਦੌੜਾਂ ਬਣਾਈਆਂ, ਪਰ ਪੁੱਲ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਕੈਚ ਦੇ ਬੈਠੇ। ਅਕਸ਼ਰ ਪਟੇਲ ਅਤੇ ਸ਼੍ਰੇਅਸ ਅਈਅਰ ਨੂੰ ਵੀ ਪਿੱਚ ’ਤੇ ਸ਼ਾਟ ਖੇਡਣ ਵਿੱਚ ਮੁਸ਼ਕਲ ਆਈ।
ਕੋਹਲੀ ਮੈਚ ਖ਼ਤਮ ਹੋਣ ਤੋਂ ਪਹਿਲਾਂ ਆਊਟ ਹੋ ਗਏ। ਉਨ੍ਹਾਂ ਦਾ ਸ਼ਾਟ ਟਿਮ ਸੇਫਰਟ ਨੇ ਡੀਪ ਬੈਕਵਰਡ ਸਕੁਏਅਰ ਲੈੱਗ ’ਤੇ ਕੈਚ ਕੀਤਾ। ਕੋਹਲੀ ਦਾ ਇਹ ਪ੍ਰਦਰਸ਼ਨ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਖ਼ਾਸ ਰਿਹਾ, ਕਿਉਂਕਿ ਇਹ ਨਿਊਜ਼ੀਲੈਂਡ ਦੇ ਮਸ਼ਹੂਰ ਈਡਨ ਪਾਰਕ ਮੈਦਾਨ ’ਤੇ ਭਾਰਤੀ ਜਰਸੀ ਵਿੱਚ ਉਨ੍ਹਾਂ ਦੀ ਆਖ਼ਰੀ ਪਾਰੀ ਹੋਣ ਦੀ ਸੰਭਾਵਨਾ ਹੈ।
