ਅਲਬਰਟਾ ਐਨਡੀਪੀ ਲੀਡਰ ਨੇ ਸਰਕਾਰ ਖ਼ਿਲਾਫ਼ ਅਵਿਸ਼ਵਾਸ ਪ੍ਰਸਤਾਵ ਪੇਸ਼ ਕੀਤਾ
ਐਡਮੰਟਨ – ਅੱਜ ਅਲਬਰਟਾ ਭਰ ਤੋਂ ਫਰਸਟ ਨੇਸ਼ਨਜ਼ ਦੇ ਚੀਫ਼ ਅਤੇ ਆਗੂ ਇਕੱਠੇ ਹੋ ਕੇ Naheed Nenshi ਨਾਲ ਅਲਬਰਟਾ ਵਿਧਾਨ ਸਭਾ ਵਿੱਚ ਇਕ ਇਤਿਹਾਸਕ ਪਲ ਦਾ ਹਿੱਸਾ ਬਣੇ। ਇਸ ਦੌਰਾਨ ਉਨ੍ਹਾਂ ਨੇ Danielle Smith ਦੀ ਅਗਵਾਈ ਵਾਲੀ United Conservative Party ਸਰਕਾਰ ਖ਼ਿਲਾਫ਼ ਅਵਿਸ਼ਵਾਸ ਜਤਾਇਆ।
ਗਿਆਰਾਂ ਦਿਨ ਪਹਿਲਾਂ Assembly of First Nations ਦੇ ਚੀਫ਼ਾਂ ਨੇ ਇਕਮਤ ਹੋ ਕੇ ਡੈਨੀਅਲ ਸਮਿਥ ਅਤੇ ਯੂਸੀਪੀ ਸਰਕਾਰ ‘ਤੇ ਅਵਿਸ਼ਵਾਸ ਦਾ ਪ੍ਰਸਤਾਵ ਪਾਸ ਕੀਤਾ ਸੀ। ਉਨ੍ਹਾਂ ਨੇ ਦੋਸ਼ ਲਾਇਆ ਸੀ ਕਿ ਸਰਕਾਰ ਅਲੱਗਾਵਾਦੀਆਂ ਨੂੰ ਪ੍ਰੋਤਸਾਹਿਤ ਕਰ ਰਹੀ ਹੈ ਅਤੇ ਐਮਐਲਏਜ਼ ਨੂੰ ਅਲੱਗਾਵਾਦ ਦੀ ਨਿੰਦਾ ਕਰਨ ਦੀ ਅਪੀਲ ਕੀਤੀ ਸੀ।
ਅੱਜ ਉਸ ਮੰਗ ਨੂੰ ਮੰਨਦੇ ਹੋਏ ਨਾਹੀਦ ਨੈਨਸ਼ੀ ਨੇ ਵਿਧਾਨ ਸਭਾ ਵਿੱਚ ਅਵਿਸ਼ਵਾਸ ਪ੍ਰਸਤਾਵ ਪੇਸ਼ ਕੀਤਾ। ਪ੍ਰਸਤਾਵ ਵਿੱਚ ਕਿਹਾ ਗਿਆ ਕਿ ਸਰਕਾਰ ਵੱਲੋਂ ਅਲੱਗਾਵਾਦ ਤੋਂ ਦੂਰ ਨਾ ਹੋਣ ਕਾਰਨ ਫਰਸਟ ਨੇਸ਼ਨਜ਼ ਨਾਲ ਸੰਬੰਧ ਗੰਭੀਰ ਤੌਰ ‘ਤੇ ਖ਼ਰਾਬ ਹੋ ਗਏ ਹਨ ਅਤੇ ਇਹ ਟ੍ਰੀਟੀ ਹੱਕਾਂ ਦੇ ਸਤਿਕਾਰ ਨਾਲ ਮੇਲ ਨਹੀਂ ਖਾਂਦਾ।
ਹਾਲਾਂਕਿ, ਯੂਸੀਪੀ ਸਰਕਾਰ ਨੇ ਇਸ ਪ੍ਰਸਤਾਵ ‘ਤੇ ਚਰਚਾ ਤੁਰੰਤ ਰੋਕ ਦਿੱਤੀ।
ਪ੍ਰੈਸ ਕਾਨਫਰੰਸ ਦੌਰਾਨ ਨੈਨਸ਼ੀ ਨੇ ਕਿਹਾ ਕਿ ਪ੍ਰੀਮੀਅਰ ਦੇ ਰਵੱਈਏ ਵਿੱਚ ਤਿੰਨ ਵੱਡੀਆਂ ਗ਼ਲਤੀਆਂ ਹਨ।
ਉਨ੍ਹਾਂ ਕਿਹਾ, “ਟ੍ਰੀਟੀ ਸੰਬੰਧ ਸਾਡੇ ਸੂਬੇ ਦੀ ਮੌਜੂਦਗੀ ਦੀ ਬੁਨਿਆਦ ਹਨ। ਇਹ ਸਾਡੇ ਸਭ ਤੋਂ ਮਹੱਤਵਪੂਰਨ ਰਿਸ਼ਤੇ ਹਨ ਉਹਨਾਂ ਫਰਸਟ ਨੇਸ਼ਨਜ਼ ਨਾਲ ਜੋ ਸਦੀਾਂ ਤੋਂ ਇੱਥੇ ਵੱਸਦੇ ਆ ਰਹੇ ਹਨ। ਡੈਨੀਅਲ ਸਮਿਥ ਅਤੇ ਯੂਸੀਪੀ ਸਰਕਾਰ ਨੇ ਇਸ ਬੁਨਿਆਦੀ ਰਿਸ਼ਤੇ ਨੂੰ ਨੁਕਸਾਨ ਪਹੁੰਚਾਇਆ ਹੈ।”
ਨੈਨਸ਼ੀ ਨੇ ਇਸ ਮਸਲੇ ਦੇ ਆਰਥਿਕ ਪ੍ਰਭਾਵਾਂ ਵੱਲ ਵੀ ਧਿਆਨ ਦਿਵਾਇਆ। ਉਨ੍ਹਾਂ ਕਿਹਾ ਕਿ ਫਰਸਟ ਨੇਸ਼ਨਜ਼ ਨਾਲ ਭਰੋਸੇਮੰਦ ਸੰਬੰਧਾਂ ਦੇ ਬਿਨਾਂ ਅਲਬਰਟਾ ਦੀ ਅਰਥਵਿਵਸਥਾ ਪ੍ਰਭਾਵਿਤ ਹੋ ਸਕਦੀ ਹੈ। ਨਿਵੇਸ਼ਕਾਂ ਵਿੱਚ ਅਨਿਸ਼ਚਿਤਤਾ ਵਧ ਰਹੀ ਹੈ, ਪ੍ਰੋਜੈਕਟ ਮਨਜ਼ੂਰੀਆਂ ਰੁਕ ਸਕਦੀਆਂ ਹਨ ਅਤੇ ਨਵੇਂ ਪਾਈਪਲਾਈਨ ਬਣਾਉਣਾ ਮੁਸ਼ਕਿਲ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ, “ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਅਲੱਗਾਵਾਦ ਦੀ ਰਾਜਨੀਤੀ ਨਾ ਸਿਰਫ਼ ਕੈਨੇਡਾ ਨਾਲ ਬਿਹਤਰ ਸਮਝੌਤੇ ਨੂੰ ਖ਼ਤਰੇ ਵਿੱਚ ਪਾਂਦੀ ਹੈ, ਸਗੋਂ ਦੇਸ਼ ਅਤੇ ਸੂਬੇ ਦੀ ਏਕਤਾ ਨੂੰ ਵੀ ਤੋੜ ਸਕਦੀ ਹੈ।”
ਅਖੀਰ ਵਿੱਚ ਨੈਨਸ਼ੀ ਨੇ ਅਲਬਰਟਾ ਦੇ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ, “ਅਸੀਂ ਸਾਰੇ ਟ੍ਰੀਟੀ ਲੋਕ ਹਾਂ – ਚਾਹੇ ਅਸਲੀ ਨਿਵਾਸੀ ਹੋਈਏ ਜਾਂ ਨਾ, ਨਵੇਂ ਆਏ ਹੋਈਏ ਜਾਂ ਪੁਰਾਣੇ। ਚੀਫ਼ਾਂ ਦੀ ਆਵਾਜ਼ ਇਸ ਮੁਹਿੰਮ ਦੀ ਸ਼ੁਰੂਆਤ ਹੈ, ਪਰ ਅਲੱਗਾਵਾਦ ਦੇ ਖ਼ਿਲਾਫ਼ ਲੜਨਾ ਸਾਡੇ ਸਭ ਦੀ ਜ਼ਿੰਮੇਵਾਰੀ ਹੈ।”
