ਬੀਆਰਆਈਸੀਐਸ ਸੰਮੇਲਨ ਕਾਰਨ ਦਿੱਲੀ ਡਿਵੀਜ਼ਨ ’ਚ 120 ਟਰੇਨਾਂ ਪ੍ਰਭਾਵਿਤ
Indian Railways has announced operational changes affecting around 120 trains in the Delhi Division from September 11 to 13 due to the BRICS Summit 2026. Several Rajdhani, Tejas Rajdhani, Vande Bharat and other long-distance trains will be affected.
ਨਵੀਂ ਦਿੱਲੀ-ਬੀਆਰਆਈਸੀਐਸ ਸੰਮੇਲਨ 2026 ਦੇ ਮੱਦੇਨਜ਼ਰ ਉੱਤਰੀ ਰੇਲਵੇ ਨੇ ਦਿੱਲੀ ਡਿਵੀਜ਼ਨ ਵਿੱਚ 11 ਤੋਂ 13 ਸਤੰਬਰ ਤੱਕ ਲਗਭਗ 120 ਟਰੇਨਾਂ ਦੀ ਆਵਾਜਾਈ ਵਿੱਚ ਬਦਲਾਅ ਕੀਤਾ ਹੈ। ਇਸ ਕਾਰਨ ਦਿੱਲੀ ਰਾਹੀਂ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਪ੍ਰਭਾਵਿਤ ਹੋਣ ਵਾਲੀਆਂ ਟਰੇਨਾਂ ਵਿੱਚ ਕਈ ਪ੍ਰਮੁੱਖ ਰਾਜਧਾਨੀ, ਤੇਜਸ ਰਾਜਧਾਨੀ ਅਤੇ ਵੰਦੇ ਭਾਰਤ ਐਕਸਪ੍ਰੈੱਸ ਸ਼ਾਮਲ ਹਨ। ਇਨ੍ਹਾਂ ਵਿੱਚ ਨਵੀਂ ਦਿੱਲੀ-ਰਾਂਚੀ ਰਾਜਧਾਨੀ, ਨਵੀਂ ਦਿੱਲੀ-ਡਿਬਰੂਗੜ੍ਹ ਰਾਜਧਾਨੀ, ਨਵੀਂ ਦਿੱਲੀ-ਸਿਆਲਦਹ ਰਾਜਧਾਨੀ ਅਤੇ ਨਵੀਂ ਦਿੱਲੀ-ਹਾਵੜਾ ਰਾਜਧਾਨੀ ਐਕਸਪ੍ਰੈੱਸ ਸ਼ਾਮਲ ਹਨ।
ਇਸ ਤੋਂ ਇਲਾਵਾ ਨਵੀਂ ਦਿੱਲੀ-ਭੁਵਨੇਸ਼ਵਰ ਰਾਜਧਾਨੀ, ਮੁੰਬਈ ਤੇਜਸ ਰਾਜਧਾਨੀ, ਨਵੀਂ ਦਿੱਲੀ-ਰਾਜੇਂਦਰ ਨਗਰ ਟਰਮੀਨਲ ਤੇਜਸ ਰਾਜਧਾਨੀ, ਵੰਦੇ ਭਾਰਤ ਐਕਸਪ੍ਰੈੱਸ ਅਤੇ ਨਵੀਂ ਦਿੱਲੀ-ਹਾਵੜਾ ਪੂਰਵਾ ਐਕਸਪ੍ਰੈੱਸ ਸਮੇਤ ਹੋਰ ਸੇਵਾਵਾਂ ਵੀ ਪ੍ਰਭਾਵਿਤ ਹੋਣਗੀਆਂ।
ਉੱਤਰੀ ਰੇਲਵੇ ਮੁਤਾਬਕ ਇਹ ਤਬਦੀਲੀਆਂ ਸੰਚਾਲਨ ਨਾਲ ਜੁੜੇ ਕਾਰਨਾਂ ਕਰਕੇ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਵਿੱਚ ਕੁਝ ਟਰੇਨਾਂ ਨੂੰ ਰੱਦ ਕਰਨਾ, ਰੂਟ ਬਦਲਣਾ, ਯਾਤਰਾ ਨੂੰ ਕਿਸੇ ਵਿਚਕਾਰਲੇ ਸਟੇਸ਼ਨ ਤੋਂ ਸ਼ੁਰੂ ਜਾਂ ਖਤਮ ਕਰਨਾ ਅਤੇ ਸਮੇਂ ਵਿੱਚ ਤਬਦੀਲੀ ਕਰਨਾ ਸ਼ਾਮਲ ਹੈ।ਇਸ ਤੋਂ ਇਲਾਵਾ ਕੁਝ ਟਰੇਨਾਂ ਨੂੰ ਨਿਯੰਤਰਿਤ ਕਰਨ ਅਤੇ ਉਨ੍ਹਾਂ ਦੇ ਟਰਮੀਨਲ ਸਟੇਸ਼ਨਾਂ ਵਿੱਚ ਤਬਦੀਲੀ ਕਰਨ ਦੇ ਫੈਸਲੇ ਵੀ ਲਏ ਗਏ ਹਨ।ਰੇਲਵੇ ਵੱਲੋਂ ਕੀਤੀਆਂ ਇਨ੍ਹਾਂ ਤਬਦੀਲੀਆਂ ਦਾ ਮਕਸਦ ਸੰਮੇਲਨ ਦੌਰਾਨ ਰੇਲ ਸੇਵਾਵਾਂ ਦੇ ਸੁਚਾਰੂ ਸੰਚਾਲਨ ਨੂੰ ਯਕੀਨੀ ਬਣਾਉਣਾ ਹੈ। ਯਾਤਰੀਆਂ ਨੂੰ ਸਫ਼ਰ ਤੋਂ ਪਹਿਲਾਂ ਆਪਣੀ ਟਰੇਨ ਦੀ ਸਥਿਤੀ ਅਤੇ ਸਮੇਂ ਬਾਰੇ ਜਾਣਕਾਰੀ ਦੀ ਜਾਂਚ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
