ਸ਼ਿਲਪਾ ਰਾਓ ਨੇ ਸਾਂਝੀ ਕੀਤੀ ਅਧੂਰੀ ਰਹਿ ਗਈ ਪੇਸ਼ਕਾਰੀ ਦੀ ਝਲਕ, ਪ੍ਰਸ਼ੰਸਕਾਂ ਲਈ ਲਿਖਿਆ ਭਾਵੁਕ ਸੁਨੇਹਾ
Singer Shilpa Rao shared a video of her interrupted performance at Mumbai’s Bollywood Music Project on October 24. Technical problems repeatedly affected her microphones, preventing her from completing her set. She thanked fans for singing along and supporting her, while fans praised her performance and composure.
ਮੁੰਬਈ-ਬਾਲੀਵੁੱਡ ਗਾਇਕਾ ਸ਼ਿਲਪਾ ਰਾਓ ਨੇ ਮੁੰਬਈ ਵਿੱਚ 24 ਅਕਤੂਬਰ ਨੂੰ ਹੋਏ ਬਾਲੀਵੁੱਡ ਮਿਊਜ਼ਿਕ ਪ੍ਰੋਜੈਕਟ ਦੌਰਾਨ ਆਪਣੀ ਅਧੂਰੀ ਰਹਿ ਗਈ ਪੇਸ਼ਕਾਰੀ ਦੀ ਵੀਡੀਓ ਸਾਂਝੀ ਕੀਤੀ ਹੈ। ਪ੍ਰੋਗਰਾਮ ਦੌਰਾਨ ਤਕਨੀਕੀ ਖ਼ਰਾਬੀ ਕਾਰਨ ਉਨ੍ਹਾਂ ਦੇ ਮਾਈਕ੍ਰੋਫ਼ੋਨ ਦੀ ਆਵਾਜ਼ ਬੰਦ ਹੋ ਗਈ ਸੀ, ਜਿਸ ਕਾਰਨ ਉਹ ਆਪਣੀ ਪੇਸ਼ਕਾਰੀ ਪੂਰੀ ਨਹੀਂ ਕਰ ਸਕੀ।
ਬੁੱਧਵਾਰ ਨੂੰ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ ਵੀਡੀਓ ਵਿੱਚ ਸ਼ਿਲਪਾ 2008 ਦੀ ਫ਼ਿਲਮ ‘ਬਚਨਾ ਏ ਹਸੀਨੋ’ ਦਾ ਗੀਤ ‘ਖੁਦਾ ਜਾਣੇ’ ਗਾਉਂਦੀ ਨਜ਼ਰ ਆਈ। ਇਸ ਦੌਰਾਨ ਦਰਸ਼ਕ ਵੀ ਉਨ੍ਹਾਂ ਨਾਲ ਗੀਤ ਗਾ ਰਹੇ ਸਨ। ਵੀਡੀਓ ਦੇ ਨਾਲ ਉਨ੍ਹਾਂ ਲਿਖਿਆ ਕਿ ਉਹ ਆਪਣੇ ਪ੍ਰਸ਼ੰਸਕਾਂ ਲਈ ਪੂਰੇ ਦਿਲ ਨਾਲ ਗਾਉਂਦੀ ਹੈ ਅਤੇ ਉਨ੍ਹਾਂ ਲਈ ਇਹੀ ਸਭ ਤੋਂ ਵੱਧ ਮਾਇਨੇ ਰੱਖਦਾ ਹੈ।
ਪ੍ਰੋਗਰਾਮ ਦੌਰਾਨ ਸ਼ਿਲਪਾ ਦੇ ਪਹਿਲੇ ਮਾਈਕ੍ਰੋਫ਼ੋਨ ਵਿੱਚ ਖ਼ਰਾਬੀ ਆ ਗਈ ਸੀ। ਬਦਲਵਾਂ ਮਾਈਕ੍ਰੋਫ਼ੋਨ ਮਿਲਣ ਤੋਂ ਬਾਅਦ ਵੀ ਇਹ ਸਮੱਸਿਆ ਜਾਰੀ ਰਹੀ। ‘ਦੇਵਰਾ: ਪਾਰਟ 1’ ਦਾ ਗੀਤ ‘ਚੁੱਟਮੱਲੇ’ ਗਾਉਂਦੇ ਸਮੇਂ ਉਨ੍ਹਾਂ ਦਾ ਮਾਈਕ੍ਰੋਫ਼ੋਨ ਬੰਦ ਹੋ ਗਿਆ। ਇਸ ਤੋਂ ਬਾਅਦ ਗਾਇਕ ਕੁਟਲੇ ਖ਼ਾਨ ਅਤੇ ਉਨ੍ਹਾਂ ਦੇ ਬੈਂਡ ਨੇ ਮੰਚ ਦੇ ਦੂਜੇ ਪਾਸੇ ਪੇਸ਼ਕਾਰੀ ਸ਼ੁਰੂ ਕਰ ਦਿੱਤੀ। ਸ਼ਿਲਪਾ ਜਦੋਂ ਦਰਸ਼ਕਾਂ ਦਾ ਧੰਨਵਾਦ ਕਰਨ ਲਈ ਮੁੜੀ ਤਾਂ ਉਸ ਸਮੇਂ ਵੀ ਮਾਈਕ੍ਰੋਫ਼ੋਨ ਬੰਦ ਕਰ ਦਿੱਤਾ ਗਿਆ।
ਇਸ ਘਟਨਾ ਤੋਂ ਬਾਅਦ ਸ਼ਿਲਪਾ ਨੇ ਕਿਹਾ ਸੀ ਕਿ ਮੁੰਬਈ ਵਿੱਚ ਉਸ ਰਾਤ ਉਨ੍ਹਾਂ ਦੇ ਦਿਲ ਦਾ ਇੱਕ ਹਿੱਸਾ ਟੁੱਟ ਗਿਆ, ਪਰ ਜਦੋਂ ਸੰਗੀਤ ਰੁਕ ਗਿਆ ਤਾਂ ਵੀ ਦਰਸ਼ਕ ਉਨ੍ਹਾਂ ਦਾ ਨਾਂ ਲੈ ਕੇ ਹੌਸਲਾ ਵਧਾਉਂਦੇ ਰਹੇ। ਉਨ੍ਹਾਂ ਨੇ ਵਾਅਦਾ ਕੀਤਾ ਕਿ ਉਹ ਮੁੜ ਮੁੰਬਈ ਆਉਣਗੇ। ਉਨ੍ਹਾਂ ਦੇ ਪਤੀ ਰਿਤੇਸ਼ ਕ੍ਰਿਸ਼ਨਨ ਨੇ ਵੀ ਇਸ ਘਟਨਾ ’ਤੇ ਨਿਰਾਸ਼ਾ ਪ੍ਰਗਟਾਈ ਸੀ। ਹੁਣ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦੀ ਪੇਸ਼ਕਾਰੀ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਦੇ ਸਬਰ ਅਤੇ ਹੌਸਲੇ ਦੀ ਤਾਰੀਫ਼ ਕੀਤੀ ਹੈ।
