ਕੈਲੋਨਾ 'ਚ ਲੁੱਟਕਾਂਡ ਦੇ ਦੋ ਸ਼ੱਕੀਆਂ ਦੀ ਭਾਲ, ਆਰਸੀਐਮਪੀ ਨੇ ਲੋਕਾਂ ਤੋਂ ਮੰਗੀ ਮਦਦ

ਕੈਲੋਨਾ-ਕੈਲੋਨਾ ਆਰਸੀਐਮਪੀ ਨੇ ਡਾਊਨਟਾਊਨ ਕੈਲੋਨਾ ਵਿੱਚ ਇੱਕ ਸੁਵਿਧਾ ਸਟੋਰ 'ਤੇ ਹੋਈ ਲੁੱਟ ਦੀ ਘਟਨਾ ਦੇ ਸਬੰਧ ਵਿੱਚ ਦੋ ਸ਼ੱਕੀਆਂ ਦੀ ਪਛਾਣ ਲਈ ਲੋਕਾਂ ਤੋਂ ਮਦਦ ਮੰਗੀ ਹੈ।ਪੁਲਿਸ ਅਨੁਸਾਰ 20 ਜੁਲਾਈ ਰਾਤ ਕਰੀਬ 11 ਵਜੇ ਬਰਨਾਰਡ ਐਵੇਨਿਊ ਦੇ 500 ਬਲਾਕ ਵਿੱਚ ਸਥਿਤ ਇੱਕ ਰਿਟੇਲ ਸਟੋਰ ਵਿੱਚ ਲੁੱਟ ਦੀ ਘਟਨਾ ਵਾਪਰੀ ਸੀ। ਜਾਂਚ ਦੌਰਾਨ ਪੁਲਿਸ ਨੇ ਸੀਸੀਟੀਵੀ ਤਸਵੀਰਾਂ ਜਾਰੀ ਕਰਦਿਆਂ ਦੋ ਸ਼ੱਕੀਆਂ ਦੀ ਪਛਾਣ ਕਰਨ ਦੀ ਅਪੀਲ ਕੀਤੀ ਹੈ।

ਪਹਿਲਾ ਸ਼ੱਕੀ ਛੋਟੀ ਦਾੜ੍ਹੀ ਵਾਲਾ ਹੈ ਅਤੇ ਉਸ ਨੇ ਲਾਲ ਟੀ-ਸ਼ਰਟ ਅਤੇ ਸੰਤਰੀ ਰੰਗ ਦੇ 'V' ਲੋਗੋ ਵਾਲੀ ਹਲਕੇ ਰੰਗ ਦੀ ਕੈਪ ਪਾਈ ਹੋਈ ਹੈ। ਦੂਜੇ ਸ਼ੱਕੀ ਨੇ ਹਲਕੀ ਸਲੇਟੀ ਟੀ-ਸ਼ਰਟ, ਗੂੜ੍ਹੇ ਰੰਗ ਦੀ ਪੈਂਟ, ਚਿੱਟੇ ਜੁੱਤੇ, ਕਾਲੀ ਲਾਸ ਏਂਜਲਸ ਡੋਜਰਜ਼ ਕੈਪ, ਐਨਕ ਅਤੇ ਗਲੇ ਵਿੱਚ ਚੇਨ ਪਾਈ ਹੋਈ ਹੈ।ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਸ਼ੱਕੀਆਂ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਉਹ ਕੈਲੋਨਾ ਆਰਸੀਐਮਪੀ ਨਾਲ ਸੰਪਰਕ ਕਰਕੇ ਫਾਈਲ ਨੰਬਰ 2026-45940 ਦਾ ਹਵਾਲਾ ਦੇਵੇ।