ਵੈਸਟ ਕੈਲੋਨਾ ਨਗਰ ਨਿਗਮ ਚੋਣਾਂ: ਡਾਕ ਰਾਹੀਂ ਅਤੇ ਅਗਾਊਂ ਵੋਟਿੰਗ ਦੀ ਸਹੂਲਤ
West Kelowna voters can vote by mail or cast their ballots early ahead of the 2026 municipal election on October 17. Advance voting will be available on October 7, 13 and 15, while completed mail-in ballots must be received by October 16 or deposited by 8 p.m. on election day.
ਵੈਸਟ ਕੈਲੋਨਾ-ਵੈਸਟ ਕੈਲੋਨਾ ਵਿੱਚ 2026 ਦੀਆਂ ਨਗਰ ਨਿਗਮ ਚੋਣਾਂ ਲਈ ਵੋਟਰਾਂ ਨੂੰ ਡਾਕ ਰਾਹੀਂ ਵੋਟ ਪਾਉਣ ਅਤੇ ਅਗਾਊਂ ਵੋਟਿੰਗ ਦੀ ਸਹੂਲਤ ਦਿੱਤੀ ਜਾ ਰਹੀ ਹੈ। ਆਮ ਸਥਾਨਕ ਚੋਣਾਂ 17 ਅਕਤੂਬਰ 2026 ਨੂੰ ਹੋਣਗੀਆਂ।ਚੋਣਾਂ ਵਾਲੇ ਦਿਨ ਭੀੜ ਅਤੇ ਲੰਬੀਆਂ ਕਤਾਰਾਂ ਤੋਂ ਬਚਣ ਲਈ ਯੋਗ ਵੋਟਰ ਮੇਲ-ਇਨ ਬੈਲਟ ਲਈ ਅਰਜ਼ੀ ਦੇ ਸਕਦੇ ਹਨ। ਵੋਟਰ ਸਿਟੀ ਹਾਲ ਤੋਂ ਬੈਲਟ ਪੈਕੇਜ ਲੈ ਸਕਦੇ ਹਨ ਜਾਂ ਇਸ ਨੂੰ ਕੈਨੇਡਾ ਪੋਸਟ ਰਾਹੀਂ ਆਪਣੇ ਪਤੇ ’ਤੇ ਮੰਗਵਾ ਸਕਦੇ ਹਨ। ਕੂਰੀਅਰ ਰਾਹੀਂ ਪੈਕੇਜ ਮੰਗਵਾਉਣ ਦੀ ਸਹੂਲਤ ਵੀ ਹੈ, ਜਿਸ ਦਾ ਖਰਚਾ ਵੋਟਰ ਨੂੰ ਖੁਦ ਕਰਨਾ ਹੋਵੇਗਾ।
ਭਰੇ ਹੋਏ ਮੇਲ-ਇਨ ਬੈਲਟ 16 ਅਕਤੂਬਰ ਤੱਕ ਸਿਟੀ ਹਾਲ ਪਹੁੰਚਣੇ ਲਾਜ਼ਮੀ ਹਨ। ਵੋਟਰ ਇਹ ਬੈਲਟ 17 ਅਕਤੂਬਰ ਨੂੰ ਸ਼ਾਮ 8 ਵਜੇ ਤੱਕ ਸਿਟੀ ਹਾਲ ਦੇ ਬਾਹਰ ਸੁਰੱਖਿਅਤ ਡਰਾਪ ਬਾਕਸ ਵਿੱਚ ਵੀ ਜਮ੍ਹਾਂ ਕਰਵਾ ਸਕਦੇ ਹਨ ਜਾਂ ਖੁਦ ਸਿਟੀ ਹਾਲ ਵਿੱਚ ਦੇ ਸਕਦੇ ਹਨ।
ਅਗਾਊਂ ਵੋਟਿੰਗ ਲਈ ਸਿਟੀ ਹਾਲ ਵਿੱਚ 7, 13 ਅਤੇ 15 ਅਕਤੂਬਰ ਨੂੰ ਵੋਟ ਪਾਉਣ ਦਾ ਮੌਕਾ ਮਿਲੇਗਾ। ਮੇਅਰ, ਕੌਂਸਲ ਮੈਂਬਰਾਂ ਅਤੇ ਸਕੂਲ ਟਰੱਸਟੀਆਂ ਦੇ ਅਹੁਦਿਆਂ ਲਈ ਉਮੀਦਵਾਰਾਂ ਦੀ ਅਧਿਕਾਰਤ ਸੂਚੀ 11 ਅਕਤੂਬਰ ਨੂੰ ਸ਼ਾਮ 4 ਵਜੇ ਤੋਂ ਬਾਅਦ ਜਾਰੀ ਕੀਤੀ ਜਾਵੇਗੀ।
