ਐਡਮੰਟਨ ਵਿੱਚ ਕਿਰਾਏ ਦੇ ਘਰਾਂ ਦੀ ਮੰਗ ਘਟੀ, ਕਿਰਾਏ ਹੋਰ ਘਟਣ ਦੀ ਉਮੀਦ
ਐਡਮੰਟਨ-ਨਵੀਂ ਰਿਪੋਰਟ ਅਨੁਸਾਰ ਐਡਮੰਟਨ ਵਿੱਚ ਕਿਰਾਏ ਦੇ ਘਰਾਂ ਦੀ ਭਾਲ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵਿੱਚ ਇਸ ਸਾਲ ਵੱਡੀ ਕਮੀ ਆਈ ਹੈ। ਰੈਂਟਕੈਫੇ (RentCafe) ਮੁਤਾਬਕ 2026 ਦੌਰਾਨ ਐਡਮੰਟਨ ਵਿੱਚ ਕਿਰਾਏ ਲਈ ਆਨਲਾਈਨ ਖੋਜਾਂ ਵਿੱਚ 55 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।ਮਾਹਿਰਾਂ ਦਾ ਕਹਿਣਾ ਹੈ ਕਿ ਵਧ ਰਹੇ ਘਰ ਬਦਲਣ ਦੇ ਖਰਚਿਆਂ ਕਾਰਨ ਕਈ ਕਿਰਾਏਦਾਰ ਮੌਜੂਦਾ ਰਿਹਾਇਸ਼ ਵਿੱਚ ਹੀ ਰਹਿਣ ਨੂੰ ਤਰਜੀਹ ਦੇ ਰਹੇ ਹਨ। ਇਸ ਤੋਂ ਇਲਾਵਾ ਨੌਜਵਾਨਾਂ ਵਿੱਚ ਬੇਰੁਜ਼ਗਾਰੀ ਦੀ ਉੱਚ ਦਰ ਵੀ ਕਿਰਾਏ ਦੀ ਮੰਗ ਘਟਣ ਦਾ ਇੱਕ ਵੱਡਾ ਕਾਰਨ ਮੰਨੀ ਜਾ ਰਹੀ ਹੈ।
ਰਿਹਾਇਸ਼ੀ ਮਾਰਕੀਟ ਦੇ ਵਿਸ਼ਲੇਸ਼ਕਾਂ ਅਨੁਸਾਰ ਐਡਮੰਟਨ ਵਿੱਚ ਨਵੇਂ ਕਿਰਾਏ ਵਾਲੇ ਮਕਾਨਾਂ ਦੀ ਸਪਲਾਈ ਵਧ ਰਹੀ ਹੈ, ਜਿਸ ਨਾਲ ਮਕਾਨ ਮਾਲਕਾਂ ਨੂੰ ਕਿਰਾਏਦਾਰ ਖਿੱਚਣ ਲਈ ਕਿਰਾਏ ਘਟਾਉਣੇ ਪੈ ਸਕਦੇ ਹਨ।ਮਾਹਿਰਾਂ ਦਾ ਮੰਨਣਾ ਹੈ ਕਿ ਮੌਜੂਦਾ ਹਾਲਾਤ "ਕਿਰਾਏਦਾਰਾਂ ਦੀ ਮਾਰਕੀਟ" ਬਣ ਚੁੱਕੇ ਹਨ ਅਤੇ ਆਉਣ ਵਾਲੇ ਮਹੀਨਿਆਂ ਵਿੱਚ ਕਿਰਾਏ ਦੀਆਂ ਕੀਮਤਾਂ ਵਿੱਚ ਹੋਰ ਕਮੀ ਦੇਖਣ ਨੂੰ ਮਿਲ ਸਕਦੀ ਹੈ।
