ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਇਲੀਵਰ ਵੱਲੋਂ ਨਵੇਂ ਘਰਾਂ ’ਤੇ ਸੰਘੀ ਵਿਕਰੀ ਟੈਕਸ ਨੂੰ ਖਤਮ ਕਰਨ ਦਾ ਵਾਅਦਾ 

ਓਟਵਾ-ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਇਲੀਵਰ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਦੀ ਪਾਰਟੀ ਸਰਕਾਰ ਬਣਾਉਂਦੀ ਹੈ, ਤਾਂ ਉਹ 1 ਮਿਲੀਅਨ ਡਾਲਰ ਤੋਂ ਘੱਟ ਵਿੱਚ ਵੇਚੇ ਗਏ ਨਵੇਂ ਘਰਾਂ ’ਤੇ ਫੈਡਰਲ ਸੇਲਜ਼ ਟੈਕਸ ਨੂੰ ਖਤਮ ਕਰ ਦੇਵੇਗੀ ਅਤੇ ਸੂਬਿਆਂ ਨੂੰ ਅਜਿਹਾ ਕਰਨ ਲਈ ਦਬਾਅ ਦੇਵੇਗੀ। ਜਾਣਕਾਰੀ ਮੁਤਾਬਕ ਪੋਇਲੀਵਰ ਨੇ ਦਲੀਲ ਦਿੱਤੀ ਕਿ ਸਰਕਾਰਾਂ ਕੁਝ ਹੱਦ ਤੱਕ ਉੱਚ ਘਰਾਂ ਦੀਆਂ ਕੀਮਤਾਂ ਲਈ ਜ਼ਿੰਮੇਵਾਰ ਹਨ ਕਿਉਂਕਿ ਉਹ ਵਿਕਰੀ ਟੈਕਸ ਵਿੱਚ ਬਹੁਤ ਜ਼ਿਆਦਾ ਚਾਰਜ ਕਰ ਰਹੀਆਂ ਹਨ। ਜਿਸ ਦੇ ਸਬੰਧ ਵਿੱਚ ਉਹਨਾਂ ਨੇ ਕਿਹਾ ਕਿ ਇੱਕ ਘਰ ਲਈ ਨੰਬਰ 1 ਦੀ ਲਾਗਤ ਸਰਕਾਰ ਹੈ: ਸਰਕਾਰੀ ਨੌਕਰਸ਼ਾਹ, ਸਰਕਾਰੀ ਟੈਕਸ, ਸਰਕਾਰੀ ਗੇਟਕੀਪਰ। ਕੰਜ਼ਰਵੇਟਿਵਾਂ ਦਾ ਅੰਦਾਜ਼ਾ ਹੈ ਕਿ ਨਵਾਂ ਉਪਾਅ $800,000 ਘਰ ਦੀ ਲਾਗਤ ਨੂੰ $40,000 ਤੱਕ ਘਟਾ ਦੇਵੇਗਾ ਅਤੇ ਪ੍ਰਤੀ ਸਾਲ ਹੋਰ 30,000 ਘਰਾਂ ਦੀ ਉਸਾਰੀ ਨੂੰ ਉਤਸ਼ਾਹਿਤ ਕਰੇਗਾ। ਜ਼ਿਕਰਯੋਗ ਹੈ ਕਿ ਸਤੰਬਰ 2022 ਵਿੱਚ ਕੰਜ਼ਰਵੇਟਿਵ ਆਗੂ ਬਣਨ ਤੋਂ ਬਾਅਦ, ਪੋਇਲੀਵਰ 2015 ਵਿੱਚ ਟਰੂਡੋ ਦੇ ਸੱਤਾ ਵਿੱਚ ਆਉਣ ਤੋਂ ਬਾਅਦ ਘਰਾਂ ਦੀਆਂ ਕੀਮਤਾਂ ਅਤੇ ਕਿਰਾਏ ਵਿੱਚ ਤੇਜ਼ੀ ਨਾਲ ਵਾਧੇ ਨੂੰ ਲੈ ਕੇ ਲਿਬਰਲ ਸਰਕਾਰ ਦੇ ਪਿੱਛੇ ਪੈ ਗਿਆ ਹੈ। ਪੋਲੀਵਰੇ ਨੇ ਬੀਤੇ ਦਿਨੀਂ ਕਿਹਾ ਕਿ ਉਹ ਲਿਬਰਲ ਹਾਊਸਿੰਗ ਨੀਤੀ ਨੂੰ ਰੱਦ ਕਰਕੇ ਟੈਕਸ ਕਟੌਤੀ ਲਈ ਭੁਗਤਾਨ ਕਰੇਗਾ।